انتِ سعودية غيوره ..فماذا أنتِ فاعلة اتجاه هؤلاء الوحوش المفترسة

السلام عليكم ورحمة الله وبركاته

اخواتي..
هي مجرد فضفضة مالقيت غيركم افضفض له عن الهم إللي بصدري والسبب القنوات الفضائية

لاحظتو الآوان الاخيره الشغل الشاغل اللي شغل القنوات الفضائية المراءة السعودية..
وكان خلصو نساء العالم ومابقي غير هالمسكينه اللي حان وقت اصطيادها


والله اكثر البرامج مستلمة المراءة السعودية برنامج عن حجابها وبرنامج عن دراستها وبرنامج عن حقوق السعودية انها مظلومة والله اني اشووف قنوات عربية وخليجية تتكلم عن المراءة السعودية والوضع في السعودية ويستضيفون من أدعو انهن سعوديات وهم بالأصل جنسية سعوديه فقط وتشووفو اصولهم غير سعوديات ويتكلمون عني وعنك
والله شوهو سمعت المراءة السعودية
قبل كم يوم في احد القنوات العربية يتكلمون عن الطالبات السعوديات اللي يدرسن بالخارج ومستضيفين لي 3 طالبات سعوديات سفور وكل وحده بجنز وتي شرت ضيق ؟؟
معقوله بس هالثلاث طالبات يمثلون الطالبات السعوديات بالخارج والله اعرف بنات يدرسون بالخارج وهم منقبات الى الآن ولكن المقصد من البرنامح تشوووية سمعة حجاب الطالبات السعوديات فقط ..

وياليتكم سمعتو لهجت البنات عاد وحده كلامها شامي بالمرررررررره واخرى كلامها مكسر ماتعرف تتكلم جملة كاملة بدون ماتكسر بالهجات العربية وعلى قولها سعوديه وواحده منهم فقط هي اللي لهجتها سعوديه والله يهديهم..



في برنامج اخر برضو في احد القنوات اللبنانية استضافو رجل علماني يتكلم عن السعوديات ويقول ليه مايبينون لطالبات المدارس أن قضية الحجاب اختلفو فيها العلماء ويخيرون الطالبات بين الحجاب وتغطيت الوجة..!!

وووو.إلخ
ولو بتابعون البرامج بتشووفون شغلهم الشاغل السعوديات وحقوقهم المسلوبه المشكلة القنوات هذي اللي تشيع القضية ليس بقنوات سعودية تابعة للأعلام السعودي عشان تتكلم عن قضايا المراءة السعودية
ولكن اللي قاهرهم حجاب المراءة السعودية فقط
فماذا ياسعوديات انتن فاعلات..

انا اول شي حسيته بعد هالهرج كله أن حجاب المراءة السعودية وتغطيت الوجة اكثر شي قاهر العذال فحذري أن تفرطي في حجابك وتغطية وجهك.. لأن حجابك والله عز لك وعلو لشأنك وفريضة اسلاميه واجبه عليك فلاتدعي الوحوش ينالو منك

والله كلامهم عن السعوديات وحقوقنا المسلوبه كما(( يزعمون))) خلاني اتمسك بحجابي وتحشمي اكثر من السابق وخلاني اتمسك بعاداتي وتقاليدي
وجعلهم يموتون قهر


يارب
يهدي الجميــــــــــع ..ويستر على جميع نساء المسلمين ويرجع البعض من نساء المسلمين لصوابهم وحجابهم الشرعي وعاداتهم وتقاليدهم الاصيلة ..

وارجو إن الآقي من يواسيني في بعض مايكن به صدري
والسلام عليكم ورحمتـــــــه..’’’:)