انت طلقها و بعدين تزوجني ؟؟؟؟؟؟؟ معقول !!!!!!!

انا بصراحه انصدمت من هذا الموضوع يوم قراته عيني دمعت و حزنت كثير انتوا وش رايكم.....

اختي بنت عيله و نسب ما شاء الله جميله و مثقفه بس سبحان الله وصلت ال35 سنه و ما كان من نصيبها الزواج, و الزواج قسمه و نصيب.
طيب حنا في الخليج اذا البنت عدت ال30 خلاص محكوم عليها انها عانس ( حسبي الله و نعم الوكيل على هذي التسمية ) هذي البنت تقدم لها رجال زين ابن عيله باواخر الاربعينات من العمر و متدين و ما فيه العيبه مررررة بس هو متزوج و عنده طفلين. الرجال بما انه ميسور الحال و حرمته تعبانه و مريضه قال يتزوج حرمه ثانيه. لما وصفوله هذي البنت ابشر وجه الرجال و قال اخطبها.
راح الرجال لابوها و قال اريد بنتك. ابوها قال و النعم انت رجال معروف و نتشرف نصاهرك بس البنت عاقل و عندها بعض الشروط. قال الرجال مهب مشكله و انا حاظر. شاف البنت و البنت شافته و بصراحه البنت وااااااايد حلوه و خلوقه و متدينه. كلمها و كلمته و الظاهر من شافها حبها و دخلت قلبه. على اي حال بعدها قالت له انا عندي شرط واحد ما عندي غيره انا ما اتزوج رجال عنده مره. اذا تبيني طلقها. الرجال حاول بكل الطرق و توسط عند معارف البنت بس البنت ماهي براضيه الا يطلق مرته و ابوها من رايها. الرجال احتار و هذي البنت عجبته واااايد فقرر يلبي لها شرطها و كان ما كان و تزوجوا بعد ما طلق حرمته الاولى.

انا ما عندي مشكله لا بعمر البنت و لا انه متزوج او اي شي من هذا القبيل. انا مشكلتي اني يوم اشوف ظلم احتر و ما اقدر اسكت. الحين هذي البنت كيف طاوعها قلبها تخلي الرجال يطلق حرمته سبحان الله حرااااااااااام هي شو سوتلك انتي تعرفيها شي و شو ذنب عيالها الي رح يتعقدوا في المستقبل بسبب طلاق امهم و ابوهم. طيب الرجال انا ما اشوف له اي عذر بس بالاخر هو رجال. انتي حرمه مثلك مثلها ما تخافين الله ان يسلط عليك وحده مثلك تحرمك و عيالك السعادة الزوجيه. ناس يقولولي اني عاطفيه وايد و ما عايشه في الواقع. اي واقع هذا اذا كان هذا الواقع انا ما اريد اعيش فيه ابني سعادتي على سعادة الاخرين وينك من دعاء المظلوم حراااااااام عليش و الله.
الاطفال احباب الله انتي كسرتي خاطرهم و سحقتي احلامهم بالحياه السعيده كسرتي امهم قدامهم و طلعتي ابوهم خاين.
اذا الوحده ما تريد متزوج لا تاخذ متزوج اما تجين تقولي للمتزوج طلق حرمتك خافي الله يا ظالمه حرااااااام الي تسوينه.
استغفر الله العظيم من كل ذنب عظيم الله سبحانه و تعالى حلل تعدد الزوجات تجين انتي الفقيرة الضعيفه تتحدين اوامرة ليش مين انتي ما اقول غير حسبي الله و نعم الوكيل.

منقوووووووووووووووووووووووووووووووووووووووووووووووووووووول من ايميلييييييييي