انت عروسه من جديد لاتفوتكم الحركه

حبيباتي ايش رايك تسرين عروسه من جديد انا سويتها انا وزوجي طبعا هو مكان يعرف اني باصلح هذه الحركه تفاجا فيها وانبسط بهذه الحركة تدرون وش سويت عملت لي فستان عرس عند خياطه اتعامل معها فستان نعومي وبسيط وشريت اكسسوار ومسكه وعملت مكياج عروسه ونقش حنا وصلحت بوفيه وكيكه وكتبت عليها مبروك للعروسين وحطيت اسمي واسمه ووحطيت شريط اسلامي للفرح وجلست في المجلس ولبست بناتي وولدي الصغير ملابس الفرح وصلحتهم تقولون رايحين فرح ههههههههههههه فرح امهم وابوهم وصلحت غرفتي بالشموع البضاء والفضيه ومفرش سرير ابيض يعني غرفة عروسه وخليت ابنتي الكبيره تستنى ابوها ولبس البشت ولما دخل المجلس وفتحت الزفه وشافني بغ يغمى عليه من الفرحه شكل وجه يدل عى كذا وجلس العريس وكملنا الفرح وقطعنا الكيكه وتعشينا وانبسطنا انا واطفالي كان يوم رهيب ومتجدد في حياتنا وعملت نفس استحي كل ماكلمن ابو الشباب استحي واهمس همس وراسي في الارض ياختي علي مستحيه طبعا عروسه جديده وشريت قميص نوم ابيض وشغلات كلها ابيض في ابيض وفضي وشريت ملابس للصباحيه والايام الي بعد العرس تصدقون زوجي قعد اسبوعين ماطلع للسهر مع ربعه انفجعو عليه وهو مطنشهم الفكره جاءت من ابنتي الي عمرها 4 ونصف تقول ودي اشوفك يبابا انت وماما متزوجين قالنا لها احنا متزوجين قالت لا ابغ اشوفكم عريس وعروسه ماما لابسه فستان ابيض وانت البشت لانا نحضر زواجات الاقارب وتشوفهم وكانت تتمنى امها وابوها زيهم وفعلا صلحتها بس حركه تجدد الحياة الزوجيه وتبعد الروتين والملل جربوها وادعو لي ان الله يبعد اصدقاء زوجي المدخنين عنه ويحرمه الدخان لاتفوووووووووووووووووووووووووووووتكم :39: :27: