أنا بالنسبة لي زوجي يعطيني 1000 درهم مصروف شهر ولكني أضيعه كله على ثياب العيال وهذي أغلى من ثيابنا وهو ما يشتريلهم شي غير الأكل والبامبرز وأنا دايماً إذا أتسوق أكون طالعه ويا أهلي لأن زوجي يكره طلعات السوق فأضطر أشتريلهم من فلوسي ... طلبت منه ان يزيد مصروفي عالأقل 300 درهم لكل ولد لكنه رفض مع ان راتبه قوي جداً قرابة ال 20 ألف ولكنه ما يهون عليه فلس واحد ... هو مب بخيل لكنه يصرف بدون عقل على أشياء ما تستحق !

السلام عليكم

بالنسبه لي زوجي يعطيني مصروفي الشهري و يعطيني للبيت و انا اروح اشتري اللي ناقص

و الشغاله بعد يعطيني راتبها و اعطيها .. و بالنسبه للمناسبات اذا مضطره اشتري لي ملابس جديده او هدايا اقول له على طول و يعطيني .. و لين الحين ما جانا اطفال علشان جذيه ما في مصروف للاطفال بس حتى لو جانا اطفال باذن الله اكيد هو متكفل بكل شي يعني بيعطيني مصروف لهم كل شهر هذا شي طبيعي .......

و كنا متفقين على كل شي بالنسبه للمصروف من بداية الزواج .. و على فكره انا ما اشتغل

انا يعطيني 1000 بس تروووووح بدون احساس في اول اسبووووع وكل يوم اشحت منه 100 او200 على عنده الله يحفظه ويخليه مو مقصر وما عندنا عيال اكيد بيعطيهم مصروف.

والله والله والله مافيه احسن من انك تاخذي اللي تبي كل شهر من غير مصروف في يدك وانا كذامايعطيني فلوس بس اذا بغيت اي شي على طول يعطيني لانه لو اعطاني مصروف معين كل شهر مااقدر اطلبه لان مصروفي معي لكن الافضل انك ماتاخذي منه ولا قرش ولما تطلبي اي شي يجيك على طبقمن ذهب واذا على الادخار والتوفير زوجي فاتح لي حساب ونوفر فيه والبطاقه بالبت مو معه ولا معي مو احسن انا عن نفسي مستمره على هالحال من اول الزواج مبسوطه عليه

ياطويلة العمر ..بدايت زواجنا ماكان فيه تنسيق يجي المعاش ونطيره في اسبوع..بعدين حطينا خطه خماسيه (( مثل الحكومه)) ووزعنا الميزانيه على الشكل التالي:
مصروف شهري لأم عبودي((ثابت)) ( ماراح أقول كم بس فيه بركه)
نشتري أغراض الثلاجه كل شهر مع (ثابت) (( خروف هرفي صغير لأبوعبودي ))
ونحدد مصروفات ((غير ثابته )) لزوم طلعاتنا ووناستنا.
ومصروف لملابس العيال ((غير ثابت )
والباقي ينحفظ في البنك للطوارء.
وماشي حالنا والحمد لله على أكمل وجه..
ملحوظه : الميزانيه من فكرة أم عبودي.