السلام عليكم

بالنسبة للعلاوة السنوية تعطى لك حتى لو كنت مسافرة..

بالنسبة للخدمة أو الخبرة..لا تحسب لك.....لإنه إذا بغيت تتقاعدين مثلا تقاعد مبكر بعد عشرين سنة من مباشرتك العمل...تخصم من العشرين هذي سنوات المرافقة(ولتكن مثلا ثلاث سنوات)فتصير خبرتك عند الوزارة فقط 17سنة...يعني لازم تداومين ثلاث سنوات زيادة(وفي النهاية تكونين فعلا داومت عشرين سنة)..أو في شئ ثاني يسوونه بعض المعلمات وهو يشترون تقاعد سنوات البعثة ؟...بأنك تدفعين للوزارة مبلغ معين...(بس ماعندي خبرة كيف).

بالنسبة لضرورة قطع الإجازة غير صحيح..لإن أول إجازة تقدمينها لازم يرفق معها قرار إبتعاث زوجك..فتقدمين إجازتك عدد سنوات إبتعاث الزوج ...وفي حالة تمديد إبتعاث الزوج..تمددين إنت إجازتك كحد أقصى 6 سنوات (عدد سنوات البعثة كلها)...(فيه وحده أعرفها راجعة من أربع سنوات وكانت إجاتها متصلة وبعثتها خمس سنوات)

فيه معلومة علشان ما تنصدمين...بعد ما تنتهي البعثة وترجعون بالسلامة ..تحسب الوزارة عدد شهور الصيف اللي نكون فيهاالمعلمات في إجازة رسمية ويقتطعون منها مبلغ معين بس موكبير ..هذا بعد ماتداومين يأخذونه من راتبك..؟؟!!(إلا الآن أنا مستغربة)

وفعلا أحتفظي بصور من أوراقك..علشان ما يضيع لك حق وأفضل إذا رجعتوا بالسلامة وباشرت خذي أوراق المباشرة وخلي أحد يوديها لك مناولة لإدارة التعليم ..ويضبط أمورك علشان الراتب ينزل لك بسرعة ..لإنه في الغالب لو تركتيها تمشي بالطرق العادية يا تضيع يا تقعدين كم شهر ما نزل راتبك...(تجارب)

السلام عليكم
اخواتي العزيزات الحال علينا واحد, واللى اعرفة جيدا انه عند اخذك الاجازه مرافقة مع الزوج يرتاحون من ملفك مقفول الى حين العودة وعند مباشرتك انتي تباشرين اليوم الثاني يفتح الملف بقدرة قادر.
وتقديري للجميع

اخواتي ودي اسئلكم اذا ممكن تقطع الاجازه الاستثنائيه مع العلم ان الرئاسه تتعاقد مع معلمه ثانيه بنصف راتبي حتى انتهاء مدة الاجازه ياليت تفيدوني في هذا الموضوع الله يعافيكم يا اخوات

لله يعطيكم العافية يابنات على الردود وفعلا انا سمعت من أكثر من وحدة ان العلاوة تحسب بس حبيت أتأكد أما بالنسبة للخدمة فلا وبخصوص سؤال الأخت تواقيع فأعتقد انه عادي تقطعين اجازتك بأي وقت وترجعين لمدرستك هذا اذا كنت مرافقة يعني واخذة اجازة مرافقة وهي تختلف عن الاستثنائي لأن الثانية يترتب عليها أمور منها انه مدرستك اذا كان فيها اكتفاء ممكن يودوك مدرسة أخرى والله أعلم .