انت من سوريا اوفنانه في التبولة رجاء ادخلي

اختي التبولة مقاديرها الصحيحة بدون زيادات هي

ضمتين بقدونس

حبة بندورة كبيرة او ثنتين ضغار

4 بصلات اخضر

ربع كوب نعنع اخضر

جميع هده الخضرة بتقطعيها كثيييييييييييير ناعم

وتنضيفيلهم نص كوب برغل ناعم منقوع مع عصير حبتين ليمون ونص كوب زيت زيتون واكيد ملح

بتخلطيهم مع بعض وصحة وعافية

هده هيا طريقة التبولة الصحيحة

انا فلسطينية وهيك دائما بنعملها

بقدونس
بندوره
بصل اخضر
نعنع اخضر
تقطيع ناعم جدا جدا والسر لما يكون ناعم على فكره
بعدها بتكوني ناقعه برغل ناعم وتضيفي للمقادير السابقة وبتعصري ليمون مع رشه ملح مو تكتري
وكاسه زيت زيتون واخلطيهم مع بعض طبعا المقادير ما حطيتها حسب النظر وحسب عدد افراد الاسره
البندوره لما تقطعيها حاولي ازا فيها ميه من جوه تفرغيها بصحن جبنك فهمتي عليه
انا مو سوريه اردنيه بس شاطره بالتبوله

الله يسعدكم ويوفقكم وطمعانه في البنات الفنانات التانين يكتبو طرقهم

عزيزتي انا شامية
التبولة بنحطلها رشة سماق \رشة نعنع يابس \رشة فلفل اسود \ رشة فليفلة حمرا بس مو حدة \
السر التاني بالتبولة عشان ماتحسي بالبقدونس خشن انه تدعكي البقدونس جيدا بالملح والزيت قبل خلطها ببقية المواد
ادعكيه بيديك جيدا فينعم البقدونس ولا يبقى له اثر خشن تحت الاسنان
السر الثالث ان لا تضعي البصل الناعم "ربع بصلة صغيرة " ل3جرز بقدونس "لا تضعي البصل الا قبل التقديم لان البصل
اذا تركتيه مدة سيعطي طعما غير محبب .
نقع البرغل الناعم بالليمون مهم جدا لان طعم البرغل يصبح مميزا ولا ننقعه ابدا بالماء كي يمتص طعم الحموضة وليس طعما اخر
التبولة بالذات لا تخلط موادها الاقبل تقديمها لانها تكون لذيذة اكثر بهذه الطريقة
ارجو عزيزتي ان اكون قد افدتك واذا حصلت الافادة لا تنسيني من دعوة صالحة

غريبة صبايا احنا عمرنا ما حطينا عالتبولة بصل أخضر

بس هي مقاديرها عادية يعني حبيبتي المهم النفس بالطبخ

يعني ممكن تتبعي نفس هالمقادير هاي و ما تعجبك

و ممكن انتي تساويها من راسك و تزيدي و تنقصي متل ما بدك و تطلع روعة