NW2002
NW2002
أنا بالنسبة إلي زوجي ما بطلب راتبي أبداً بس أنا من نفسي بدفع في البيت، يعني إذا رحت أنا السوق أنا بدفع وإذا هو راح هو بيدفع يعني مثل ما قالت الأخت "أم عمر العماني" اللي في الموقف بدفع ما في حساب على الوحدة، حسب الظروف

بدفع كمان كثير أقساط علينا حسب وضع زوجي المادي في ذلك الشهر، أغراضي واحتياجاتي أنا بغطيها بس إذا خلصت فلوسي بطلب منه عادي وما بسأل، يعني باختصار مشاركة بدون تخطيط أو حساب وأظن إنه هذا أفضل شيء.

بالنسبة للأولاد لسة ما عندي أطفال بس بتوقع الوضع لازم يضل في مشاركة مثل ما هو الوضع الآن.
rawnd
rawnd
المساله مسالة تفاهم انا في بداية زواجنا وانا راتبي لي واهو لله الحمد عمره ماسالني وينه اغراض البيت كلها عليه انا اصرف على نفسي واهو الله خير مايقصر في المناسبات يشتريلي هديه والا اذا رحنا السوق وشافني مسكت شي يسيقني للكاشير بس لما اكثروا العيال وصار عندنا اجار وخدم واقساط سيارات كسر خاطري قمت انا ادفع وحده من السيارات اللي اسوقها بالاضافه الى اني قررت اني ادخل ولدي مدرسه خاصه انا تحملت تكاليفها وانشاء الله باذن الله اذا قررنا ناخذ بيت راح اشارك بس عاد النص بالنص انا احب احفظ حقي لو اللي جدامي ملاك

واغلب البنات بالكويت مثلي يعني نادر الزوج يقدر ياخذ معاش زوجته الا بمبادره منها ومشكورين على هالموضوع ملينا من تعالي اقوللج اشتكشخين واشتلبسين وشاتعطرين واشلون يركض وراج كان الحياه مافيها الا هالموضوع
غاليـــــــــه
بالنسبه لي مش موظفه
لكن من تجارب اللى حولي اشوف ان الاغلب تكون على نياتها من هالناحيه وةهالشي اشوفه غلط لازم الوحده تضرب حساب للزمن لاى سوء لا قدر الله ..
ممكن تساعده مافيها شي بس بحدود بسيطه مو كل الحمل عليها !!
لانها لالالالازم تدخر مبلغ اجباريا كضمان للمستقبل لان الدنيا ماهى مستقره على حال
والمرأه الان لازم يكون لها سند مادي بعد الله طبعا ولا ضاعت!!
lilie2002
lilie2002
انا موظفة وراتبي لي بس غلطت من البداية لما فهمته اني باصرف على نفسي من راتبي لإنه ما يعطيني مصروف صحيح هو يشتري للبيت وراتب الخدامة عليه بس بين فترة وفترة يلمح لي العشا عليك الجمعية هاي المرة عليج بس مو دايما أقدر عليه كان ودي أكون مثل صديقاتي موظفة راتبي لي لكن هو يصرف علي ويشتري لي كل اللي ابغية لكن هذا ما يمنع انه يشتري لي هدايا في المناسبات أما اليهال قبل كنت ما ادقق وايد اي واحد يشتري عقب شفت ان السالفة عجبته بيرمي مشترياتهم علي قلت لا هذا واجبه وللأسف تصير خلافات على هي النقطة يقول يوم انتي تبغين تشترين انتي ادفعي وصراحة مو راضي يعطيني مصروف شهري لهم بعني يوم يبغون شي قولي وانا باشوف محتاجين والا لا وغالبا يكون لا لإنه الريال ما يهتم بهذي الأشياء كثر الحرمة
تسنيم80
تسنيم80
انا موظفة متزوجة راتبي يقسم على 3
1/3 من الراتب أعطيه زوجي لصرف البيت
1/3 من الراتب بساعد فيه أمي
1/3 أخليه لأغراضي الخاصة