إسراء
قهرتني سلفتك
المفروض ماتتفاعلين معاها وتحسسينها إنك مو منتبه لها
وإذا رحتي بيتهم لاتاكلين وتشربين على راحتك سوي نفسك شبعانه وخليكي ثقيله ولاتحسسينها أنك منقهره من أسلوبها
أكره نوعية سلفتك

تصدقين انك هاي كلاس من جد :)
شوفي حبيبتي عاد انا مااقولك اني اذا رحت بيتهم مسحت المفطح لحالي
بالعكس يا كثر ماتقعد تباشر عليّ واجمع قدامي في منديل واخرتها وهم ينظفوا ينكب معاها
بس عاد مع القهوة امزمز لي حلى والا اثنين من اللي تباشر
وان كان عالتطنيش فأنا اصلا سكتم بكتم مااتكلم عندهم ولا كلمة مرات اذا خرجت من عندهم وابي اتكلم احس حلقي مبحوح وصوتي رايح من كثر سكوتي :)
واصلا بجد انا مااهتم لها لانها بكبر امي واكبر بعد (حالتي حالة امي متزوجة صغيرة وانا متزوجة صغيرة رحنا وطي) ولا ابيّن قدامها شي بس من جد فاقعة لي مرارتي ودايم ام زوجي تقولي لا تواخذينها يا بنيتي من الحرّة اللي بها
وش حرتووووه يا خالة (قلبت قصيمية) كني تزوجت زوجها وانا ماادري

المهم صباح الخير <---------- من جد اليوم طفشانة وبس اقرقر كتابياً :)

يووووووووو يااسراء سلفتك تفقع القلب ..الله يعينك عليها ..

ونصيحتي للكل الرسميه ثم الرسميه ثم الرسميه
وبلااااااش الثرثره والكلام اللي ماله داعي لأن كل شي تقولينه لسلفتك حطي في بالك انه مسسسسسسسجل
وراح يوصل لزوجك واهله اذا مهو اليوم ..بكره
وياليت يوصل زي ماقلتيه لااااااااااا راح توديه لهم بأبشع صوره وممكن ييوصل بطربقه غير اللي كنتي تقصدينها وينزاد عليه شوية ملح وبهار عشان تظبط الطبخه

لكن ما اقول الا الله يرد كيد كل وحده في نحرها

الله يوفق الجميع

فعلا انا سلفتي من دخلت على العائله وحاطتني في راسها مع اني في ديره وهي في ديره بس دايم تقوللي اهل زوجي يحبونك اكثر ويحبون اولادك وياحظك سكتيهم بالولد مع اني ما قد سمعت لهم تعليق على هذا الموضوع ابد تحاول تقلدني في اغلب الاشياء وانا اتنرفز من اسلوب التقليد قلت لها مره اسم محل وصارت دايم تروح له وتعلق عندي بعد صرت ما اروح له وقلت لها عن محل ثاني وصارت تروح له لا وتفهمني انها دائما تروح له تقليد احيانا في اسلوب اللبس صرت معها الان رسميه في التعامل عشان ما تعرف عني شي حتى زوجي مستخسرته على كنها عايشه معه ودايما تبين لي ان عايشه في جنه وهي في نار مع ان زوجها على كيفها بلسانها قايلته صرت ما احاول احتك فيها كثير الي عينها على زوجي والله مدري عنها واخرتها معها سلفتي الثانيه طيبه مره وما منها شر خير لا شر منه .

انا عندي سلفه وحدة والثانيه بالطريق بس ماراح تسكن معنا بنفس المنطقه
سلفتي الاولى اعاملها زي اختي وهي مره طيوبه وفيه ناس من قرابتي منقهرين مني لاني انا وخوات زوجي وسلفتي مثل الاخوات وكمان اكثر بس المشكله ان قريبتي حاولت تفرق بيني وبين خوات زوجي وماقدرت لانهم عارفيني وصاروا احسن من الاول
واناخايفه منها تدخل مع سلفتي علشان تاخذ اخباري وتسبب مشاكل وافكر اني اصارح سلفتي
والمشكله اني من عائله وهي من عائله ومحتاره في امري ومابي العلاقه تخرب
تدرون وشو الاسلوب عندها الكذب( تراها تقول عنك كذا وكذا )) وهذي تكهرني وانا مدري وش الطبخة ---ياليت القى عندكن الحل