السلام عليكم
معك حق عمل البيت مهلك وانا ما عندي لكن ودي اكمل دراستي واجيب وحدة تمسك العيال
ليما اجي من الجامعة بس ماأدري فين الاقيها لأني اكره الشغالات واخاف من عمايلهم
لكن ما في احد قريب من اهلي مني

السلام عليكم ورحمة الله
طرح رائع اختي ولكن اختلف معك في بعض النقاط

بما انك غير متزوجه فانك تحلمين بوضع غير موجود الخادمه اصبحت من الضروريات وان كانت ليس دائما ولكن من المستحيل الاستغناء عنها تماما ,,,

في بداية حياتي الزوجيه لم استعن بها الا بعد ان انجبت اربعه من اولادي لكن الآن اعتقد انها ضروريه بالنسبه لي
لكي اتابع دراستهم
_ حتى اصبح في وضع نفسي جيد يسمح لي استقبال زوجي وانا مرتاحه
_ حتى استطيع تربية اولادي بهدوء لانها حين تكون موجوده فتكون مهمتها التنظيف والكي ولا غير فلا يهمني غير متابعتهم
_ زوجي ولله الحمد يستطيع جلب خادمه بدون أعباء ماليه

لكن اختي ليتك تطرقت الى الجانب الشرعي في استقدام الخادمه
فلا يجوز استقدامها الا للضروره
ولا يجوز استقدامه الا مع ذي محرم لانها ببساطه أمرأه
ولاتسافرين بها بدون محرمه مسافة قصر

هذا رأيي بأختصار وعموما من تأتي بالخادمه وهي عروس ليس لضروره فاخشى ان تكون ايضا من الاسراف

فعلا موضوع راااااااائع ويبيله مناقشه اكثر
وانا لو بكيفي مداها وصلت لبلدها الحين
الا بالعكس احس انها مثل الهم عللى قلبي
لكن رغما عني موجوده
لاني المره الاولى لما حملت تعبت وكان يبي لي راحه وزوجي كان يبي يحافظ على البيبي وجابها ليه وانا رافضه الحكايه من اصله
والحين قلت بسفرها وطلعت حامل ومستحيل يسفرها
لانه عندي الرحم ضعيف حتى الجلسه ممنوعه منها والدراسه وكله فما بالكم بشغل البيت مع انه في نهايته ممتع
لكن زي مايقولو ... ايش يصبرك على المر ... الي امرررررررر منه
وهم مثل الاجسام الغريبه بينناولو ربي جعل نصيب فلانه حلو في الشغالات فلانه الثانيه كيف بيكون نصيبها ؟؟؟؟
ومايخفى عليكم بلاوي الشغالات والي يسوونه
احس اني طولت وهذرت
معليش على الاطااااااله
وكمان مشكوره على الموضووووووووووووووع
======================
ام عزووووووووووووووووووووووووووووز

ا خواتى الفاضلات

لكل إنسان وجهة نظر ومع إحترامى الشديد للأخوات ..............

انا لا أرى وجود الشغاله ضرورى لربة البيت ......يعنى اللى جالسه فى البيت وماعندها عمل .

إيش يكون عندها من عمل الا أن تقوم بواجباتها تجاه زوجها وأولادها من غسيل وتنظيف وطبخ وغيرة .

لا تقول الوحده ماأقدر ...والله بقليل من النظام والترتيب والتعاون من الجميع لا يوجد اى مشاكل .......صدقونى أقولها لكم من واقع تجربه وليس مجرد كلام.
إذا كانت الإجابيات 10% السلبيات 90% لوجود الخادمه
اولا تشعرين وجود من تشاركك البيت وترصد عليك تحركاتك بالذات اللى ساكنه فى شقه لا تقدر أنها تلبس لزوجها على راحتها حتى الكلام محاسبه عليه حتى صوتها تحاسب عليه حتى الخادمه ماتسمعها عندما تتناقش مع زوجها او توجه اولادها .

.
وياأخواتى الأدهى والأمر اللى عندها أولاد كبار فى سن المراهقه كيف بيكون وضعها مع أولادها ..............
لا تقولين أنا واثقه من أولادى ترى الشيطان مامات................

بتسير الوحده قلقانه ماتقدرين تطلعين من البيت .......ولا تقدرين تاخذينها معاك فى كل مكان .............حتى وقت النوم بيسير مثل الكابوس

وفى نفس الوقت بتحاسبين على تصرفاتك حتى هى لاتحس وأولادك لايحسون ........

أتمنى من الأخوات اللى عندهم أولاد كبار وخادمه يذكرون تجربتهم فى هذا المجال وتقول لنا كيف تتعامل معهم.

والراحه كل الراحه فى الإستغناء عن الخادمه .............وتعوضينها بشراء كل الأدوات اللى تختصر لك الوقت والجهد فى شغل البيت

ولله الحمد والمنه كل شىء الأن متوفر من الأكل الجاهز والمغاسل للملابس فى كل مكان وش بقى تكنسن البيت وتغسلين المواعين وترتبين البيت أعتقد مابقى غيرها والوقت يساعدك .
من الساعه 7 صباحا إلى 12ظهرا تنجزين كل ماعندك من شغل حتى الغداء يكون جاهز .............يعنى بإختصار النظام ثم النظام.
وياأخواتى ربات البيوت أمهاتنا وجداتنا من أول كيف كانوا يشتغلون صدقونى ضعف عملنا اليوم والوحده منهم راضيه ومرتاحه .

سامحونى على الأطاله لكن كلام من القلب ومن وحده ماتطيق شىء أسمه خادمه .

جزااااك الله الف خير عزيزتي

موضووع اكثر من رائع

وانا لا اسمح لها نا تشاركني في بيتي

سلااااااااااااااام