انجبت طفل دوان دعواتكم لي

ما ادري كيف ابداً في الموضوع لكن فيني هُم وحزن عجزت انه يروح مني
ما ادري وش اسوي
طوال حملي وانا اراجع وكذا دكتورة تأكد لي ان الطفل سليم ومافيه شي
وكان اصعب حمل مر علي سبحان الله ، ارجع لحد ما ولدت تعبت كثير في الحمل ، وإبر سيولة يديني زرقت من الإبر
ولما وصلت التاسع حمدت ربي إني بخلص وجاني طلق سريع جدا بين كل طلقة خمسة دقايق والله ما طولت في الطلق وولدت وعطوني طفلي ما شفت فيه شي
ولا قالوا لي شي
لكن بعد يوم قالوا لنا انه الله يكرمكم ما تبرز اسبوع كامل وتحاليل واشعة لحد ما اكتشفوا ان عنده توقف نمو الأعصاب في القولون وفتحوا له فتحه عند السر وحطوا له كيس علشان الإخراج
وبعد أربعة شهور بيكون عنده عملية ثانية الإعادة الأمعاء مع بعض
قالوا ان المشكلة اللي عنده لانه داون وسويت له تحليل كروموسومات وكانت المفاجأة اللي ما توقعتها انه دوان
يا كبر الكلمة علي
والله حسيت إني في حلم
انا الان أعيش في حزن ما يعلم به الا ربي
ضعفت كثير وطوال يومي ابكي
تعبت اهلي واخواتي ورحت لبيتي ابكي وأحزن لوحدي
خصوصًا إني كنت اتمنى هالولد لان عندي بنات
للحين ما قدرت استوعب ان طفلي دوان
ياه كلمة كبيرة على قلبي
ادعولي يا اخوات
وهل ممكن انه يشفى منه