كيف حالكم جميعاً
يا حبايبي بدخل في الموضوع دايريكت ..
انا بنت عمري 18 سنه في آخر سنه دراسيه
خلاص ان شاء الله هالفصل و اتخرج من المدرسه ...
اهلي محافظين مثل مايقولون ..
يع ـني بصراحه من في سني ماتملك جوالـ ؟
قليل جداً ..
انا بروي لكم قصتي ..
يوم كان عمري 15سنه و اشوف البنات و كل وحده بيدها جوالها
كنت اتخيل نفسي مثلهم .. ودي اتمشى و جوالي بيدي
و اتفاخر ان عندي جووااال !!
و قمت و قلت حق ابووي و كان معارض بشده
و دايماً يقول لي (( مالك سالفه فيه )) ..
و تعبت و انا افتح هالسالفه و دايماً يجيني مثل الرد
دخلت الـ 16 و بنات عمي و عمتي كلهم صار عندهم جوال
من الصغيره لي الكبيره .. يعني حته اللي كانت بأول متوسط كان عندها
و انا ماعندي .. مو قهرر :44:
و ردي قلت لأبوي مايصير الكل عنده الا اناا لاا ..
و يوم صار العيد عطاني هو جوال بنفسه و قالي بخليج تفرحين بالعيد بس
و انا قلت بدايه موفقه ان شاء الله و راح اخليه عندي حته بعد العيد
و يوم اصبحناا الصبح .. اخوي اللي اكبر مني بـ 4 سنوات ..
سأل جوال من هااي ؟ اختي الصغيره قالت له ان جوالي ..
و انا كنت استحم و انتو بكرامه و يوم طلعت فار دمي و تميت اتشاجر وياه علشان يرجعه
و قام هو و كسره من شده الغضب و صار شجار بيناا .. (( هذا خووش عيد ))
و بعدهااا بفتره رحت اقول لأمي انها تقول لأبوي نفذ صبري من الانتظار
و صادتني الغيره الصراحه و انا اشوف الكل يتمشى اللي اصغر و اكبر مني عندهم الا انااا
و قالت لي امي قولي لأبووج انا لا تدخليني بينكم انتي تعرفينه و تعرفين رده :dry:
على العمووم بالأخير قص علي الشيطان و سويت اللي في بالي من دون علم احد
و طلعت لي جوواال بالخش يعني بدون محد يدري
و تمت عندي تقريباً سنه و من غير علم احد ..
و في يوم من الايام كنت انا بغرفتي و يالسه اسمع اغاني من الجوال بالسماعه
و اختي الصغيره رايحه و جايه تدق الباب ... هي بس اللي تدري لأنها معاي بالغرفه
و لين ماطاح على اخوي و انا افتحه لهاا :D
انا كنت صغيره بس ابي الجوال علشان اقنع نفسي ان عندي حالي حال كل البنات
و يوم شافه ضربني
.. و صارت سالفه كبيره و بعدها بيومين دخل علينا شهر الله
و تسكرت السالفه و الحمدلله
و خلاص من يومها قلت ماراح افتح سالفه الجوال و مابي مشاكل اكثر
:27:
من اسبوع تقريباً و ان استلم النتيجه من المدرسه
عطوني ورقه مالت دخول الجامعه ..
خبركم احنا بالبحرين ماعندنا جامعات بنات كل خلط يعني (( بنات و اولاد ))
:mad:
على العموم عماتي قالو لي روحي قدمي الامتحان و لا تضيعين عليج الفرصه
هو امتحان قدرات و اذا نجحت فيه ادخل الجامعه
و انا اصلاً ادري ان ابوي ماراح يرضه !!
بس رحت بيت عمتي علشان الصبح اروح مع بنت عمتي و نقدم الامتحاان
و ليله الامتحان .. و انا في بيت عمتي مادري بشي ..
و اخوي نفسه اللي شاف الجوال عندي
سأل امي : وين ..... :: يعني انااا ::
قالت له في بيت عمتك بتنام هناك علشان بكره بتروح تقدم امتحان في الجامعه
و قام عليها يصارخ و بأعلى صووت عنده و بكل قله ادب !!!
من سمح لها تروح و مو على كيفها و مافي جامعات و انتو تدرون احنا من اي عايله
احنا عايلتنا معروفه بالبلد انها عايله شيوخ دين
بس كلهم الشيوخ بناتهم و صبيانهم دروسوو في الجامعات و من المتفوقين بعد :)
و ماشوف هم قامو على عيالهم علشانهم درسوو .. اسمها دراسه و مستقبل
نرجع لحديثناا ..
طلع ابوي من غرفته و سمع اخوي يصارخ و قاله شفيييك
ليش الصراخ و من انت علشان تتحكم بأختك هي شتسوي و شنو ماتسوي
انا للحين حي ما مت .. و لين الله خذ روحي بعدين انتو تتحكمون فيها (( بعيد الشر عليه ))
و اخوي كان لسانه شطووله و يرادد امي و ابوي لين ماابوي صارخ عليه و سكته
و تم اخوي مايكلم لا امي و لا ابوي لمده 4 ايااام :(
و بعدهاا انا رجعت البيت و عرفت السالفه من اختي الكبيره
و اختي اللي اصغر منها بسنه قالت لي سوي مثلي
انا انخطبت و درست ..
بس هي كانت تحبه و هو يبغيها تكمل المدرسه علشان يخطبها
يعني هو كان جاد و هي تعرفه
بس انا مابي اتزوج من الحين توني صغيره
هو بيعيش معاي طول حياتي و يمكن مايكون الشخص المناسب لي
مايصير اشربك نفسي بأي انسان علشان اخلص دراستي بس
المهم امي و ابوي و اخوي مافتحو لي الموضوع
و تسكرت السالفه
..
الحين المشكله ان اناا مابي ادخل جامعه اصلاً
بس عندنا معهد تقريباً دراسته مثل الجامعه
هو صح بعد خلط يعني بنات و صبيان لكن اهون و اركد و احسن من الجامعه ..
انا ابي ادرس في هالمعهد
و اخاف افتح هالسالفه مع ابووي و يعارضني بعد ماكان شووي مقتنع
..
مابي اجلس في البيت و انتظر فارس الاحلام
انا ابي اكمل دراستي و اللي باقي كم شهر
و المفروض ارتب لنفسي من الحين
و الا انتو شتقولون
ابي اقنع ابوي و اخواني .. بس شلوون
و هذي السالفه كلهاا
أنتظر ردوكم
اكيد عندكم في جامعات او كليات او معاهد مو مختلطة صح ؟ انت على رواق احكي مع الوالد قوليله لو جبت نسبة منيحة ممكن ادرس في مكان مش مختلط ؟ حتى لو رفض بساعتها اكيد رح يراجع حاله و يقول مادام طلبت مكان مو مختلط معناها البنت بدها تدرس و ما في ببالها شي تاني
و ممكن حد من قرايبك الرجال ( عمك خالك او حد بمون عالوالد) يفتح معه الموضوع و يحكيله عن الدراسة و ان شالله ربنا يوفقك و يكتبلك الخير