المهم بكتبه مرة ثانية




1-صنية الشوارما بصوص الطحينة :




في بايركس اول طبقة بطاطا محمرة - وزعي فوقها شوارما دجاج ( شرايح صدور دجاج تبليها بالي تحبين بس اهم شي البصل و الثوم البودر و شوي روب و حمريها بالطريقة المعتادة ) هنا انتي ممكن تجهزينها قبل بيوم و على الثلاجة و انا مرات افرزنها و تطلع تحفة المهم ثاني يوم صبي على الوجه صلصة الطحينة و على الفرن بس تطلع رشي بقدونس مفروم





2- صينية صدور دجاج محمر بالمشروم و صوص الكريما


هالطريقة روعة خذتها من شيف الله يجزاه خير بس فيها خطوات لكن ممكن تجهزينها قبل بيوم




اول شي في البايركس افرشي طبقة شرايح مشروم مشوحة خفيف في زيت الزيتون
في وعاء اخلطي بيضتين ملح فلفل اسود رشة هيل رشة خل كزبرة بودر و كزبرة خضرا و ملقتين طعام حليب او كريما و جبنة مبشورة نسيت اسمها الي تستخدم للبيتزا - تقطعين صدور الدجاج افقي بحيث يخف سمكها- غطسيها بالخليط و على المقلى تتحمر بس بزيت خفيف بس تتحمر نشفيها من اي زيت زايد و وزعيها في البايركس فوق المشروم - اسكبي كريما سايلة و على الفرن لحد ما تتحمر




و هذي بعد جربت افرزنها بس بدون كريماا

ممكن تسوين مكرونا بالبشمل


لزانيا




رولات الباذنجان بصوص الطماطم -


ممكن تعملي فتة الحمص او فتة الدجاج روعة و ممكن تجهيز كل مقاديرها قبل بيوم ثاني يوم تسخني كل شي و تطبقين بس

وصفة فتة الشوارما ( من أحلى الفتات الي جربتها و مقاديرها مضبوطة )


في وعاء عميق أو بايركس الطبقة الأولى خبز مقلي أو محمص بالفرن( يجهز قبل بيوم)




فوقه الرز - فوقة شوارما الدجاج ( طريقتها فوق) اخر شي الصلصة و فوقها لوز محمر بشوي سمنة يوزع اللوز بالسمنة على الوجه زيني ببقدنس مفروم و بابريكا ناعمة او مثل ما تحبي




طريقة الرز ( رز أصفر)
حمري الرز بعد ما تنقعيه بزيت او سمن تمااااام ضيفي الملح و الكركم زيدي الماء و خليه يطبخ ( لو تحبي حمري معه بصلة صغيره ناااعمة تعطي طعم) اتركيه لحد ما يستوى




طريقة الصلصة :
علبتين زبادي - و ملعقتين طعام من كل من ( طحينة-ميونيز-لبنة) ليمون ملح فلفل اسود كمون يخلط مع بعض عدل