انجرحتي من زوجك او صديقتك او احد اقاربك بسبب سمنتك ادخلي فضفضي

السلام عليكم ورحمة الله وبركاته

كيف الحال يابنات؟؟؟ اكيــــــــــــــد منشغلين مع الرجيمات ومانتوبطالعين بنتيجه صح؟؟


طبعا في حياتنا اليوميه تحصل لنا مواقف محرجه وجارحه لايمكن ننساها سواء من الاهل او الاصدقاء او الزوج بسبب السمنه اللي ذابحتنا ومدمره حياتنا الزوجيه والاجتماعيه وغير كذا اذا رحنا للسوق مانلقى ملابس تدخل بنا الا الملابس الشينه هي اللي تدخل اما اللي علموضه انسي انك تلبسينها واذا عزمك احد تقعدين 2او3 ساعات وانتي تفسخين وتلبسين هذا مايصلح وهذا يطلع الكرشه وهذا يبين شحوم الظهر واخر شي تلبسين لبس شيين لا وتكونين مو مقتنعه فيه بس عشان الوقت واذا رحتي هناك كل شوي تسحبين بلوزتك على تحت لاتطلع شحمه من هنا ولا من هنا وماتقومين من مكانك مستحيه من هالشحوم اللي ترج رج لاوغير العرق اللي يتصبب ويخررب المكياج خلصنا من العزايم ورحنا للبيت طبختي الغدا وجاء وقت اللبس لابو الشباب يروح الوقت وانتي تدورين بنطلون يدخل بفخوذك لا واذا فرحتي انه دخل صرتي ماتقدرين تمشين ولاتقعدين منه واخر شي ترسين على قميص بيت تستقبلين فيه زوجك الحبيب اللي جاي من العمل ويبي يشوفك متزينه وكاشخه يتفاجأ بقميييص قدامه خلاااص يضيق صدره بس مايبي يقول لك شي ولاتفكرين انه بيسكت على طووول لا بيجي يوم يدور فيه على وحده رشيقه تلبس له البناطيل والاسبورات وانتي اقعدي بشحمك لين تنفجرين وتموتين من الشحوم المطبقه على قلبك وطبعا من المواقف الجارحه اللي تحصل مره كنت مع زوجي خارج المملكه وقاعده ادور لي جزمه بالسوق ومالقيت قدي قام رجلي وقال للي تدور لي جزمه بيج بيج وانا سمعته وحسيت بغصه يعني انها كبيره ودبه ومره كنت اشرب حليب خالي من الدسم وشافه زوجي وقال لي الله لايبلانا ومره كان حاط يده على خصري وقال انتي ولامنطقه فيك مشدوده شكلي بتزوج وحده تتكسر في مشيتها من الرشاقه ولاحصل زعل بيننا يناديني الخنزير او وحيد القرن تخيلوا يابنات؟؟ وانا ابكي لانه جرح بالنسبه لي وانتم يابنات اللي حصل لها موقف زي اللي ذكرت تفضفض لنا خلونا نفضفض لبعض لين نلقى الضربه القاضيه اللي تقضي على سمنتنا بنات انا وزني 113 وطولي 160:icon33: