انجلدت من أهلي بسبب فلم !

مرحبا يا حوائيات ,, بدون مقدمات بدخل بالموضوع , ما احلل الي تنقل موضوعي لأي مكان ,
عمري بالعشرين , مو متزوجة ,أهلي متحكمين مرة , وأمي شخصيتها قوية كثير اللي قرت موضوعي من قبل تعرف ان أمي"هي سبب تغير شخصيتي واصابتي بالوسواس القهري "
بدخل بالموضوع على طول بس حبيت أحطكم بالصورة ,
بحكم ان الأن إجازة فأغلب الوقت يا نوم يا قراءة شيء مفيد او جوال ووالخ , فكنت مخططة بهالإجازة أستمتع فيها كمكافاة لنفسي على التعب اللي تعبته أيام الدوامات ,
ومن ضمن خططي كان متابعة أفلام او مسلسلات لحالي "ما احب اتابع شي مع احد "مع كوب قهوه وهدوء وكذا , انبسط واستمتع صراحة وقتها ,
المهم من فترة طويلة وانا اتابع بين فترة وفترة مسلسل او فلم على حسب فراغي ( بدون علم أهلي ) لانهم يحبطون الشخص يعني مثلا اي فعل تسوينه يطلعون فيه غلط , مثلاً وإذا قراتي كتاب تلقين حد يقول " وش دعوة تقرين روايات .. أقري كذا " , واذا جيت اتعلم نوع حلا مثلا كنوع من التغيير,, يقولون " يعني انك تعرفين تطبخين ! " وقيسوا على ذلك يعني احبااط مستمر , ما يعجبهم شيء , فما خبرت حد اني اتابع فلم او مسلسل , المهم من كم يوم اكتشفوا اهلي اني اتابع أفلام ومسلسلات , لان صرت انام كثير بحكم اني اسهر واجلس اتابع " احس ما يصلح فلم بالنهار لازم بالليل " :)
ومثل ما مكتوب بالعنوان انجلدت من اهلي , تهزيء وهواش ووالخ , تم سحب جميع اجهزتي كعقاب , وأما الجوال فمتى ما جا على مزاجهم اخذوه مني , ومالي حق الاعتراض ,
وسبب ذا كله .. ممنوع أفلام ولا مسلسلات , ما عندنا بنات يتابعون أفلام ومسلسلات , وما تجلسين ع الجوال بغرفتك " تبغين تجلسين ع الجوال على راحتك او تتابعين فلم او مسلسل " إذا تزوجتي" دامك عندنا بالبيت هذا ممنوع , طبعا ما قالوا هالكلام بصريح العبارة لكن هذا يفهم من تصرفاتهم , يعني اهلي يتابعون مسلسلات وافلام لكن انتي ما تتابعين , يجلسون ع الجوال وقت ما يبغون بس انتي لا وقيسوا عليه باقي الأمور ,, طيب بما ان الفلم او المسلسل عادي و مافيه شيء غير أخلاقي وش المانع اني اتابع ! الزبدة ..
م ابغى أطول بالموضوع , بنات ابغى حلول ,
لو انتي مكاني إيش ردة فعلك ؟ وكيف التعامل مع الاهل اللي كذا ؟ , وهل فعلا تصرفي غلط واستاهل العقوبة الي جاتني ؟ ,
بانتظار ردودكم