انجنيت ... بدي انكش شعري وامشي بالشارع تعالو معي

انا صراحة صابني جنون فوق الجنون اللي انا فيه من ورا مين يا حزركم :pinklove::mad2:









من ورا بنات المنتدى ومصايبهن ومشاكلهن مع ازواجهن واولادهن وحمواتهن وخوات الزوج والسلفات ومن مرت الاخو ومن زوج الاخت ولا كمان من الام والاب والأخ وكل الدنيا ولااااااااااااااااا اللي بتكتب الموضوع بتلاقي 10000 بحكولها انهم نفس معاناتتها ونفس مشاكلها

وبعدين مع المشاكل وبعدين شو الحل يعني اللي عندها مشكلة وحدة بس تقرأ الموضوع بتصير مشكلتها اكبر واكبر واكبر وبجيها اكتئاب وامراض نفسية وعصبية وبالاخر جنون يؤدي الى الخروج الى الشارع:22:

ياربي صار نفسي افتح عموضوع صاحبته تقول انا مبسوطة مع زوجي انا فرحانة مع اولادي مع اهل زوجي مع خواته مع اخوانه صار نفسي كل البنات يذكروا الشغلات المنيحة اللي في الناس اللي بتعاشرهم حتى اللي بتتخانق معاهم بس ما في من هالحكي حكي غير المشاكل ما في

يعني اكيد الرجال اللي بدخلوا المنتدى متل زوجي اكيد اكيد بس يقرأوا مواضيعكن كل واحد بصير يقول ايه مو بس انا هيك عاطل ومو منيح مع مرتي هي الكل متلي واكتر مواضيع بتستفزني وبتنرفزني المواضيع المتعلقة بإدمان الزوج عالاشيا الجنسية بإختلافها يعني اللي ناوي يتوب ببطل من ورانا وبفكر كل الرجال هيك مدمنين وبتصير نفسه وشيطانه يزينوله عمله وانه مو بس انت لااااااااااااا كتار متلك والمصيبة انه الرجال ما بياخدوا الا الجوانب السلبية لما تكون بشكل كبير يعني لما يدخل على اي قسم وكل الستات بتشتكي من ازواجها وتنتين تلات بس اللي بمدحوا بأزواجهن ما بيطلعوا عليهن حتى ولا بقرؤا مواضيعهن :09:
فيا ريت نعمل يوم هدنة وما يكون في مشاكل او شكاوى ونكتب اشيا منيحة بحاينتا حتى لو اشيا تافهة بنظرنا او ياريت كل وحدة تكتب موقف سعيد مع زوجها اختها ابوها حماتها اي انسان صارلنا معه موقف منيح سعيد ويا ريت ننسى الهموم والمشاكل ونكون سعدا حتى بالاشيا البسيطة اللي بنمتلكها حتى لو ابتسامة :42::26: