حولي تطلعيهم وتشجعيهم واشتري لهم العاب وخليهم يحفضون السور القصيرة من القرآن

فعلا زي ماقالت وحده من الاخوات ان جيتيهم بصراح صاروا اقوئ منك الحل تجاهل لعبهم ومشاغبتهم ومراقبتهم من بعيد لبعيد واذ جا احد يشكي كانك ماتسمعين

اااخ لا تشكيلي ابكيلك والله اني مرات اقعد اصيح

والا البس عباتي بهج منهم انا عاد عندي اثنين صغار هوش باستمرار
وثلاث اكبر منهم برضوا نفس الحكايه ذابح ومذبوح وناتف ومنتوف وصايرين مثل عايله سبع نجوم ناس تركض ورا ناس والله استغفر الله اني كرهت كلمه يوومااا استغفر الله
الله يهديهم ويصلحهم ولا يعاقبنا يارب بقله الصبر

نفس عيالي كرهت الطلعه والروحه بسببهم الله يصلحهم
الأخت اللي تقول انها تسكر ع عيا لها الغرفه تكفين لا تسوينها انا جاءتني حاله نفسيه من الأماكن المغلقه لان أمي يام كنت صغيره تسكر علي الغرفه نفس طريقتك واللحين اكره الباب يستكر يجيني شعور كأني بانجن والله صرت ماعاد اروح منعزله أخاف يسكرون الباب. والله جاءتني حاله نفسيه من هالشي.

هههههههههههههههههههه الله يحفظهم ..

طبيعي الاشياء الي يسوونها بس الولد سجليه بتحفيظ او نادي المهم مكان ياخذ منه حركه ومجهود اذا في احد يلعب معاه كوره في نفس سنه ..

عشان يرجع لك طافي وبنتك اشغليها في البيت طلعي لها الملاعق وخليها تغسلها وتلمعها خليها تكنس وحده من الغرف وترتبها يعني اشياء بسيطه كذا ..

وأذا شفتيهم يتضاربون حاولي تمسكي نفسك وابعديهم عن بعض بهدوء وخليهم يضحكون ويلعبون ولا تتدخلي في تصرفاتهم اذا غلطوا بس وجهيهم ..

والله يهديهم لك ..