انحراف البنات وضياعهم من المسئول عنه مسأله للنقاش

الاعلام السئ
رفقت السؤ
إهمال الأهل و جهلهم

صغيره بالسن أو بنت مراهقة +جوال طبعا مايخفي عليك برامج الجوالات المنتشرة(السيئه)+نت واحيانا صديقات سوء +عدم مراقبه =انحرااااف للبنت

البنات بصراحه ضاعوا من الدلع وقلة التربية الصحيحة اي شي تبي اهلها سمعاً وطاعه بنت فلان مو احسن منك ..اسلوب التربية عندنا غلط :( يعتقدون توفير الطلبات سد لكل النقص هذا غلط ..اشبعي بنتك عاطفه وحنان افهميها كوني صديقه لها شاركيها بكل ميولها خليها تشارك معك .. هذي التربية الصحيحة علميها إن إقتناء الأشياء وسيلة مو غاية ..
لاتخليها تخرج لوحدها وتنفرد بالمولات والمطاعم بصاحباتها ..اشوف بنات انوع المياعه وقلة الأدب هي وصاحباتها بالمولات وين اهلها عنها ؟؟؟ .. شفت بنت عمرها تقريبا 16 أو 17 حجاب ربي يعلم فيه لو كانت بدون عبايه يمكن افضل .. لابسه برمودا وكل العبايه فاتحه العطر ريحته فواحه استغفرك يارب من غيرك الضحك هي وصاحباتها مثل هذي وين اهلها عنها؟؟؟ .. ثم إذا اختطفت قامو اهلها يبكون لكن بعد ايش ..

من المفروض البنت ماتاخذ جوال إلا وهي صغيرة ليه الدلع اجل بنت 8 سنوات معها ايفون 4 ؟؟ ..مره سمعت لقاء مع الدكتور فهد السنيدي كان يقول بناتي مااسلمهم جوال إلا إذا دخلو الجامعة لان البنت ماتحتاجه إلا بهذا الوقت ... هذي الرأي الصحيح نقنعهم بطريقة حلوه..كمان المفروض الاب توب يكون بالصالون يعني تتصفح بمكان الكل موجود فيه هذا الكلام للي اعمارهم اقل من 18ماله داعي تنفرد لوحدها بغرفتها إذا البنت ماعندها وازع ديني كأنك سلمتيها الإنحراف .. المسلسلات هذا شي يرجع للأهل اعتقد مااحد جاهل بضرر هذي المسلسلات ..

كثرت كلام :) لكن بإختصار السبب عدم المراقبه والدلع المفرط كل ماطلب يتوفر.. نسلمهم النار بدون مراقبه إرشادات وبعدين نقول احترقو ..

هذا الموضوع كل ماينفتح بجلسة اتكلم وفي النهاية احصل بعض الحريم تقول خلي البنت تاخذ راحتها :( مفهوم التربية السليمة شبه معدوم عندنا

بصراحه أحس يجمع الأسباب ذي كلها الأم المهمله لأننا لو قلنا مثلا الإعلام اولا الإعلام مين دخله او قبل فيه حتى طيب نقول دخل غصبن عن الام مثلا الاب دخله طيب على الأقل وين التربيه اللي تأهل البنت إنها تتصدى لهالغث !

يعني لو نقول انحراف بسيط وحنا شايفين الأم قايمه بواجبها بنقول هذا بسبة الإعلام لكن الناس اللي قطعت مراحل بالانحراف

طبعا ليش ما اخترت الأم الجاهله صحيح العلم له دور ماننكره لكن والله لما تشوفين أمهات مامعهم شي لكن علمهم بدينهم بفطرتهم الحكمه اللي فيهم توزن العلوم الحاليه وسبحان الله تلاقيها موفره بيئه آمنه لبناتها ساعتها تقولين مو الجهل هي المشكله الأساسيه المشكله اللامبالاه والإهمال وعدم الإحساس بالمسؤوليه أقل شي لو حسبناها من ناحية الانحراف اللي سببه نقص العاطفه الأم اللي حاسه بأمومتها بتمتلك بنتها من هالناحيه لأنها مشاعر فطريه لا يبغالها علم ولا معرفه وخاصة ان البنت تقدر تحتويها بفتات العواطف يعني مافي شي يعذر متعلمه ولا جاهله المسأله صارت فقدان الإحساس وبس

يمكن من اتربية والظروف الاجتاعية

حلم لم يكتمل ردتي ووفيتي الله يجزاك خير ويحقق لك حلمك ويكتمل ***** الله بصراحه كلامك صحيح100%وتقول جارتي انه في احد الايام كان ولدهم عازمهم باحد المطاعم وشافت بنات نزلوا من السياره يتضاحكون وبعدين جت سياره فيها اولاد ودخلوا معهم طيب الام لما تتصل على بنتها تقولها انا عند صديقتي واذا وقع الفاس بالراس لاموا الولد الاولاد مايتحرشون للي ماشيه صح ولابسه صح والمثل يقول (اللي مايفتح شليله ماحد يعبيله )