انحرجت كيف ارد عليها!!!!!!!!!!!!

امس يابنات كنت قاعده اصلي العصر وابونا قاعد على النت المهم ولدي تحت عند خالتي انا ساكنه عند حمولتي وبنتي عندي قاعده تتفرج على التلفزيونبغرفتها والابو بالغرفه الثانيه والباب الخارجي للجناح حقي شوي ثقيل فتح ولدي الباب جاي من تحت ومن ثقل الباب رجع على وجهه وصب الدم من فمه انا كنت اصلي وبنتي شافت الدم وارتاعت وصارت ما تدري وش تسوي والولد يبكي عمره 2سنتين المهم اخذته بنتي عند ابوها وابوها من شاف الدم واهو اصابه هستيريا مايحب الدم ابد وخصوصا عياله صار يتنقل بين الغرف مثل المهبول ينتظرني اخلص من الصلاه في راسه هواااااش وماشاف قدامه الا بنتي وخذي طق فيها ياعمري يابنتي وقال انتي اللي مسكره الباب في وجهه انقلعي ولا عاد اشوف وجهك وانا اغلى بجوا الصلاه الله يتوب علي المهم الجرح كان مو مره كبير الحمدلله خلصت صلاه ورحت له بالغرفه اقوله ترا البنت مالها دخل بالموضوع وخذي سب فيني ورمى علي تخيلو من شده عصبيته علبه المناديل الخشب بحكم انك مانتبهتي للعيال ورديت عليه من المفروض ينتبه اللي يصلي والا اللي قاعد على النت وطلعت وخليته تدروووووون ماهمني
بس المصيبه اليوم جلست اناظر في بنتي ولا شعوريا حنيت لها قلتلها تعالي ياماما واحضنها واهي ماصدقت الا وبدت تبكي وتقول يمه ابسئلك سوال بس ماتعصبين قلت قولي ياماما قالت ليه بابا مايحبني ودايما يضربني يحب اخوي انا خلاص ابغى اصير ولد ابحلق شعري ولما دخلت عليها الليل تدرون وش كانت مسويه بنتي ماخذه المقص وقاعده تقصص شعر العروسه حقتها ومن يومها وانا جتني قبضه بقلبي ابي اقنعها انه ابوك وامك يحبونك وانك واخوك واحد بعد انتي احسن منه عمرها بنتي 6 سنوات ابقولكم ابوها صعب التفاهم معه وذا ناقشتيه بهاذي المواضيع يقول عيالي وانا ادري كيف اربيهم ابي حل للموضوع قبل لايصير ببنتي عقده الله لايخليني منها ولا من اخوها قطعت قلبي