انحرمت من بنتي والسبب زوجها حسبي الله ونعم الوكيل فيه

السلام عليكم حوائيات هالموضوع يخص انسانه غاليه علي حيل للاسف احترت وش اقدم لها من نصح وماعرفت الا ادعي لها بالفرج وطلبت مني اكتب مشكلتها واللي تقدر تساعد لاتبخل جزاكم الله كل خير

سالفتها...........

عندي بنتي عمرها 18انخطبت من قريب لنا وهي اصغر سن وتمشكلنا وكلن راح بحاله وبعدها انخطبت لشخص ثاني وقعدت فتره ونفس الشي انفكت الخطوبه طبعا خطبه بس كلام يعني مااحد تملك عليها قعدنا فتره ورجع قريبنا القديم وحاولوا بكل الطرق انهم يتصالحون معانا ويبون البنت وش ماكلفتهم السالفه استخرنا وسألنا وفي النهايه وافقنا وتمت الملكه وسوينا حفله كبيره وقعدت سنه وبعدها صار الزواج في فترة الملكه كان وضع البنت مع زوجها كله مشاكل واختلاف في وجهات النظر وكان عنده حب سيطره بشكل مو طبيعي وعناد بس كانت البنت تمشي امورها وقلنا فتره وتعدي
تزوجت وسكنت بشقه فوق اهله وللاسف طلع المستخبي على مايقولون حنا قرابه وبينا زيارات وروحات وجيات حنا واهله وكانت امورنا تمام قبل الزواج مع بعض التحفظات بس بعد الزواج لاحظنا ان الولد واهله تغيروا ماعاد يبون قربنا ولا يبون جيت بنتنا لنا او حتى جيتنا لها رغم انا مو ناس غثيثين ولله الحمد ورغم ان مابينا الا 5دقايق بين البيتين بس كلن له خصوصياته
حملت البنت على طول وللاسف ماكملت ثالث ثانوي لان حملها كان جدااا متعب ونزيف وحاله والولد بهالفتره جداااا اناني الزم ماعليه نفسه وليش ماسويتي وليش مانظفتي وامه تحط وتشيل بنتكم فيها وبنتكم ماتعرف ويشهد الله انا يااهلها في حالنا ولا تدخلنا او سببنا اي مشكله وكل ماجت بنتنا تشتكي قلنا لها تحملي واصبري فتره وترتاحين وهذولا مهما كان اهلك
للاسف ولدت بعمليه وكان المفروض تطلع عندي وبطلب منها كان تبي ترتاح حبيبتي وتقول ابيك انتي تنفسيني يمه ولكن قالها بالفم المليان لو طلعت بنتكم عندكم اعتبروها طالق ليش ؟؟؟؟؟قال ابي ولدي عندي وعادي تقعد بشقتها وامي ماراح تقصر وانتي ياامها بتجين الله يحييك عادي والبيت بيتك
طلعت البنت لشقتها واول اسبوع كنت اروح لها بأكل واشوف اشغالها وبعدها طردنييييييييي شر طرده قال ماابي اهلك يجون خير شر ولا حتى خالاتك ولا عماتك ليش طيب كذا بدون سبب ماابي احد وبس
قمت دقيت على امه ليش ولدك يعاملنا كذا وش سوينا طيب قالت لالا ابد هذا صغير توه وسفيه ماعليك منه بيتغيير ان شاء الله وبعدها ولاعااااااااد ردت علي ولا جا وجهي بوجهها
طبعا خلصت بنتي الاربعين وزارتني مرتين كل مره ساعتين يمكن وبعدها يفتح الله الحين لها شهر لا تدق ولا تجي اتصل عليها ترد لو كان زوجها مو موجود لانه بعد مانعها يقول ماتردين على اهلك ماابيهم اسألها كيف احوالك يابنتي وش علومك صاير عليك شي تقول لالا تمام الحمد لله طيب تعالي زورينا اخوانك يسألون عليك وحشتينا تتحجج مره تعبانه ومره مشغوله واحس بنتي تغيرت صارت بارده ومطنشه ولاتدري وين الله حاطها وحنا طبعا مطرودين مانقدر نزورها وانا حاسه ان بنتي مضغوطه ومهمومه ولا باليد حيله ابوها حالف مايكلمه يقول لو مسكته بأضربه والله من وقاحته وانا دمعتي على خدي ويعلم الله همي اللي بقلبي ماابي الا راحتها بس عاد يحرموني من بنتي ولابيننا الا 5دقايق وبنفس الحاره ماادري هم قاعدين ينتقمون من بنتي لانا تمشكلنا معاهم زمان وبعدها انخطبت لغيرهم ولا لهم نيه ثانيه يعلم ربي فيها مااقول الا حسبي الله ونعم الوكيل على كل ظالم طبعا امه ماترد على اتصالاتي وانا استحيت ادق عليها وش اسوي مااااادري لو انتم مكاني كيف تتصرفو