انحلــت مشكلتي ولكـــــــن !!!!

حبيبتي روحي معاة خلاص تراة زوجك ومالج غنا عنة ومافي شيء تري يتم على حاله كل شيء في ها الدنيا يتغير
وانتي عليج بالدعاء والاستغفار
وسورةالبقرة اقريهاكل يوم والصدقة يعني سوي الي خبرتج علية كل يوم وصدقيني ربي بيسخرة لج اكثر واكثر وبيكفيج شر اهله

وما تدرين يمكن باجر يصير نصيب وتسكنون في بيت بروحكم وعقبها بيكون اريح لكم

روحي مع زوجك وارمي كل شيء وراء ظهرج ولا تحاتين

الحياة الزوجية تحتاج الي تنازلات علشان تستمر

والحمدلله زوجك يحبك وقالها جدام الناس كلها وهذا شيء كبير لازم تقدرينة وانا متاكدة انج مقدرتنة ولا جان ما حاتيتي ها الشيء

والتليفون مو مشكله انتي كل مرة اتصلي جدامة من تليفون زوجك لاهلك وسلمي عليهم

واوصيج يوم تصير اي مشكله لا سمح الله قولي سبحان الله وبحمدة سبحان الله العظيم 100 مرة وبعدها استغفري وصدقيني ربي بيحلها من عندة
توكلي على الله لان مالج غيرة
والله يسعدج ياااااااااااااااااااااارب

اهلين اختي

ومبرووك على حضور زوجك

وانا اشوف انك توافقين وسالفه الجوال حاولي تحلينها معاه بالهداوه بعدين

وتذكري حبيبتي اي شي ممكن تاخذينه بالغصب ليه ما تفكرين تاخذينه بالطيب

والرجال طفل كبير بكم كلمه حلوه تكسبينه

اهم شي تحافظين على بيتك وسالفة الجوال انسيها فتره

واختاري الوقت المناسب علشان ترجعين تكلمينه فيها

وربي يسخره لك ويرزقك الذريه الصالحه

ومبرووك مره ثانيه:26:

ارجعي له و ارمي الجوال بعد صلاة الاستخارة

شوفي زوجك يحبك و يريدك و ما بيستغنى عنك (إن شاء الله )

و اصراره على موضوع الجوال عناااااااااااااد و تحكيم رأي ليس إلا و أشوفه الأن مثل أخوننا ( الصعايدة اللي بصعيد مصر ) لو قال كلمة لا يمكن يرجع فيه ابدا حتى لو كانت خطأ و هذه عندهم كلمة الرجال لا يمكن يرجع فيها ابدا :30: و اعتقد لا يمكن يرجعك لبيته بالجوال حتى لا يهتز مظهره امام ربعه

واسلم حل ارجعي له و حاولي تدريجيا تنمي فيه قوة الشخصية و اتخاذ القرار فبصراحة احسه ضعيف الشخصية و هناك من يحركه بدافع الرجولة و هالكلام

و الله يوفقك و يرزقك بالاطفال الصالحين اللي يفرحوا قلبك و ابوهم:26:

اى والله اختى قريت قصتك لما كتبتيها الحمد لله طيب انها انحلت خلاص روحى مع زوجك والله يسهلك والجوال ماتدرين يمكن هو بعدين يجيبلك جوال لما يشوفك رحتى معاه وماعندتى والحياه تحتاج تضحيات كبيره مرا ت اكبر من جوال

طيب والسكن
ماشترط ابوك سكن لحالك ؟