انا صارت لي مره رحت عرس لاهلي زوجي ومن بكرا اخو زوجي جاي يضحك ويقوله ماشاء الله زوجتك لابسه احمر امس..  قاله زوجي وش دراك ؟؟ رد عليه لانه صديقي يقول امي راحت تخطب مرة اخوك وقالولها هذي متزوجه (( اخو زوجي جايه ام صديقه للعرس))  وراحت تسال ام زوجي لانها هي اللي عازمتها ههههههه قالت لها ايه مرت ولدي 

وبس هذي المره الوحيده الي حظرت فيها عرس عند اهل زوجي ... 

عني دايم الحمدلله .. لازم الوحده تهتم بنفسها بعد الزواج .. كذا زوجها بيطير فيها ولو وصله خبر اني انخطبت بيعرف انه استاهل انخطب لاني مو مهتمه عشانه بالمقام الاول .. اهم شي الوحده تدلع نفسها لنفسها ولا تبخل بشي على روحها .. تدلع يامدلع .. 😉 الله يسعدكم جميعا 

سخاااافه والمصيبة اذا كانت تكذب .. عاد بوه حريم الله يهديهن ماتروح زواج وإلا عزيمه الا جايبتلها من هالهياااط الا يدبل التسبد .. أقووول اعقلن بس تراا الرجال مو أغبياء تهايطون عليهم  

انا صارت لي 
مرة كنت بالمشغل مع اخوات زوجي 
فجلست اخت زوجي جنب وحدة 
وتعرفوا على بعض 
وسالتها الحرمة قالت انتوا اخوات تقصدني  انا معاهم 
فردت عليها اخت زوجي ايه 
قامت الحرمة قالت لها بخطب اختك  ل لولدي 
فكلنا ضحكنا قامت اخت زوجي قالت لها الصراحة هي  زوجة اخوي 
قامت الحرمة قالت ما شاء الله شكلها عروس 
قالت لها اخت زوجي لا عندها بنت 

وقامت الحرمة تمدح فيني  وتقول من دخلت 
المشغل وعيني عليها 
ومن هالكلام 
الصراحة ما حبيت الموقف 
اصلا انا اكره سالفه الخطبة من قبل اتزوج 
واللحين هالموقف رد لي نفس الشعور 
بس طلعنا من المشغل عالطول قالوا 
لزوجي واحنا بالسيارة ..،،،

انا صار لي هالشي صديقة بنت جدي كانت تدور على عروس لااخوها واول ماشافتني كلمت بنت جدي عشان تكلمني وانصدمت لمن عرفت اني متزوجه وعندي اولاد هههههه