انخطبتي وطلب يشوفك وبعد ماشافك مارد على اهلك

السلام عليكم ورحمة الله وبركاته


اخباركم بنتات *****الله دوم مبسوطيم ومتهنين



السالفه وكل مافيها انا مطلقه وعمري 25 سنه لي سنتين مطلقه وفي بيت اهلي

المهم تقدم لي واحد هالايام مره يمدحونه الناس وعمره صغير بس متزوج ويبيني زوجه ثانيه وافقنا وقلنا عادي

من كثر الا يجونك تشرطين عاد هوطلب ان يشوفني شوفه شرعيه وبعد ماسال ابوي عنه وافقنا وجانا يوم الجمعه

دخلت عليه وكنت متسره لبست فستان اسود طويل وفكيت شعري واستشورته وشعري طويل وحطيت ميك اب خفيف

ودخلت وجلست اقل من دقيقه وطلعت عاد هو من بعدها لادق ولاعطانا رد اعجبته او مااعجبته والله ضاق صدري على اني لمحته وارتحت له علما اني جميله واذا جاء احد من الحريم يشوفني في موضوع خطبه من بكره يدوقون ويقولون اعجبتنا حتى لما كنت متوجه وشافني احد يخطبني وانا كنت متزوجه اهي اهي الحين نادر مااطلع
ومن سنه نفس الشيء جاء واحد وطلب شوفه شافني ومن بعدها هج ولا اعطانا رد <<< وشفيني يهجون من شكلي الرجاجيل :hahaha:


اذكر في زواجي الاول بعد ماشافني طليقي جلس اسبوع واكثر مارد بعدها دقت امه وقالت اعجبته حتى حسبنا انهم انسحبو


ياربي هالرجال احسه مناسب لي ومرتاحه له بس ماادري ليش وشفيه مايرد وانا ابي اتزوج موحب في زواج من كثر مايتقطع قلبي ابي طفل حتى افكر اتبنى لي ولد واسكر موضوع زواج نهائيا والباب الا يجي منك الريح سده واستريح

امي ماعجبتها فكرة التبني واخاف اذا قلت لابوي يعصب الامومه مره طاغيه عندي الله يرزقني ويرزق كل محروم


ابي تعليقاتكم في سالفة الا جاء وشافني ولارد له 3 ايام من بعد شوفه

وفيه احد صار مثل حالتي وفيه وحده جلست فتره من بعد ماشافها وبعدين رد على اهلها وقال اعجبتني

احس اني متفشله عند اهلي وكسور خاطري ومحزنه مرره :44::icon33: هذي ثاني مره تصير معي

دعواتكم لي ان الله ييسر املاي في زواجي منه ويرد ويقول معجبتني ان كان في خيره لي