اسيرة واقع :

ردي بيكون قاسي عليك وعلى كل بنت مثل تفكيرك لكن ابقولها بيييين قوسين ( الحرمه اذا كبرت انهبلت وزاد اشرطه ووسع الخيال والاوهام عندها ) صارت ام 18 اعقل منكن مليووووون مره اكبر خطا يرتكبونه الأهل ببناتهم تأخيرها عن الزواج الى بعد الجامعه واذا تخرجت خلااااااص قامت تشرُط وترفض اغلب الخطاب شي نفسي لا اكثر ولا اقل وبالنهاية تزوج على اخر العشرين او 30 وفوق ومن ياترى فارس الأحلام اللي جلست عمرها كله وهي بس ترفض الخطاب تدور المزيون اللي يلبس جينز وساعات ابو سياره كشخه وأبو نظارات شمسيه اخر شي شخص عادي مثله مثل اي خاطب طق باب بيتهم مثل طقة اخوانك من نفس اللي حولك إنسان عادي جدا وهذا اللي رفضت الخطاب علشانه اصحي يارررروح ماما اصحي من الغيبوبه اللي عايشه فيها وأفقي على ولد الناس وهذا وجهي اذا ماجيتي هنا وكاتبه فديت زوجي حبيبي وصار بنظرك شي ثاني الزواج عاااااالم اخر عااااالم ثاني ماله دخل لَبْس كشخ ولا ماكشخ عيشي التجربة بعدين تعالي يالصمت القاتل قولي لنا افكارك هذيك وش كانت الكلام لك ولغيرك

ردي بيكون قاسي عليك وعلى كل بنت مثل تفكيرك لكن ابقولها بيييين قوسين ( الحرمه اذا كبرت انهبلت...

عابرة. :

اللي أعرفه إن رجال الدين الحقيقيين هم اللي يهتمون بأنفسهم دايمًا وريحة عطورهم توصلك قبل لايجون.. بالنسبة لرجل أحلامك كلنا رسمنا لنا واحد متكامل ولا وحده منّا جاها اللي فبالها بالضبط. أول خطوة لازم تتخذونها اسألوا عنه بمجالس العلم أو أحد تثقون بدينه لأن فيه مطاوعه نص كم مو ملتزمين تمامًا هم اللي يشوهون صورة المطاوعه عند البنات، إذا كان شخص تقي أقسم بالله ليسعدك سعادة ماكنتي تشوفينها بأحلامك وأنا أتكلم عن تجربة :) زوجي طالب علم وقبله كانت حياتي كئيبة وبس طفشانة 24 ساعة أغاني ومسلسلات لكن بفضل الله ثم دعاءه لي وصبره علي بطلت هذي الأمور من نفسي وصرت ولله الحمد أحفظ كتاب الله وأقرأ معه بعلوم مختلفة وحياتي معه فوق التمام. وعن الرومانسية تراها مب في مشاهدة الأفلام.. مدري وين الرومانسية بهذا الشي!! رجالك قاعد يشوف وحده غيرك كيف رومانسية مدري، من سنك انتي بنت كبيره وفاهمه المفروض ماعندك خرابيط بنات الطعش 🌚 وأنا متأكدة إن المواصفات اللي تفكرين فيها كلها من المسلسلات والأفلام -شخصية هوليوودية-. المهم القرار لك بالأول والأخير بس حبيت أدفع شبهة عدم الاهتمام بالنفس من قِبل المطاوعة وترى عفكرة أم الرومانسية والسفرات وسعة الصدر عندهم.. استخيري ووالله كل حرف قلته متأكدة منه وقصة انه ارسل صورة وحدة ترى مايفكرون بالصورة كانت زينه ولا شينه شي تافه عندهم يمكن يرسل أول صورة يشوفها ولا يبلش فيها بعد.. ارجع اقولك استخيري استخيري واعتذر طولت عليك.

اللي أعرفه إن رجال الدين الحقيقيين هم اللي يهتمون بأنفسهم دايمًا وريحة عطورهم توصلك قبل لايجون.....