انخطبت بعد انفصالي واول مره افكر بجديّة وخايفة

السلام عليكم ورحمة الله 💕

مبارك عليكم الشهر الله يجعلكم من صوامه وقوامه والمقبولين يارب

سالفتي ياطويلات العمر انا عمري ٢٥ بالضبط مواليد رمضان
المهم كنت مملكة قبل ٣ سنوات فترة ٦ شهور وربي ماكتب التمام وانفصلت والشي هذا أثر فيّه كثير وجرحني ولازال للحين ذكرى سيئة بحياتي المهم انخطبت بعد الانفصال كم مره وكنت رافضة تماماً حتى مافكرت ولااستخرت وبقناعة تامة اللي صار قبل اسبوع انخطبت وانا مو مقتنعة بالآدمي مع انه يقال عنه ملتزم وعاقل هذا اكثر شي ممكن اتحسف عليه لو رفضت اللي مو مقنعني فالموضوع انه اكبر مني بسنة وعليها بس ! ماتقبلت الشي هذا ابداً وفي شي ثاني بس لاتضحكون عليّه وتقولون تافهة اسمه نفس اسم زوج اختي وانا مااحبه لأنه تعبها بحياتها كثير
ومن ناحية وظيفته كويسه وسمعت انه ناوي يكمل ماستر ودكتوراة وانا خريجة وبإذن الله بتوظف معناته الوضع المادي بيكون زين ، انا ماتوقعت الجدّية بموضوع الزواج بتسبب لي رهبة من علمتني امي وانا أحس بحزززن تعبني خايفة من التجربة ومن الآدمي نفسه يمكن مانتفاهم يمكن مااحبه وهذا الشي بالذات واضح لي من الحين قلبي ماانشرح من يوم عرفت وانا اقول ياليته ماجاني ولاخطب واعرف انّ احلى سنّ للزواج لي الحين كبرت ووعيت وصرت اقوى واجرأ بعد تجربتي وعايشه مع اهلي مبسوطة مو ناقصني شي حتى بالوظيفة مافكرت لأني مرتاحة اتمنى اتزوج واسعد ف حياتي وادعي دائماً استغفر الله العظيم يوم جاني مو نفس اللي كنت اتمنى انا مو مبسوطة ولا قلبي منشرح مع اني مااستخرت للحين لو وافقت ماراح اكون سعيدة زي المرة الاولى بالعربي ان وافقت بس عشان لازم اتزوج وعاد انا ونصيبي يااحبه يااعيش عمري كله من غير المشاعر اللي اتمناها وودي افرح امي مع انها يوم قالت لي ماكانت مبسوطة بالموضوع حسيت كذا ، خطيبي الاول حبيته مره وتعلقت فيه وللحين احلم به وافكر فيه و له مشاعر ف قلبي مع انه سيّء ومااحس اني بحب غيره لاهذا اللي متقدم ان تزوجته ولاغيره هذا شي مو بيدي ومو هو اكبر همّي فالموضوع الزبدة ياكثر كلامي اعتبروها فضفضة انا مو مقتنعة بالآدمي ولامنشرح قلبي للموضوع واحسّ بهمّ وخوف من الرفض ماادري هو انا استخير وانتظر نصيبي المكتوب ولا ارفض من الحين واريح نفسي من الموضوع بكبره واللي جابه يجيب غيره دام مافي قبول مبدأي مع اني سمعت انه ممكن يكون علي ذنب ان رفضت من غير سبب مقنع لأنّ رفضت قبله كثير بس مافكرت ولااشغلني الموضوع زي المره هذي وخايفة من عقاب ربي واطبّ فالاخير بواحد يتعبني ف حياتي

رأيكم يابنات ودعواتكم
اللهم ارضني وارضى عني


يارب وإن جاتك الدعوات مكسُورة افرد جناح الرضا واجبر خواطرنا ♥️