أول شيء السلام عليكم ورحمة الله
كيف حالكم يابنات
أنا معجبه بهذا المنتدى وألاقي الصراحه مواضيع تعجبني فيه ومن زمان خاطري أسجل بس متكاسله إلى أن جاء ولد خالتي وخطبني وقلت ضرووري أنزل موضوع :(
الولد مامنه مشكله ماشاء الله يدرس بالشرقية ومهندس من البترول وتخرج السنه الماضية والحين هو موظف بالجبيل.
المشكله يابنات اني ما أؤمن بالزواج من الاقارب وزود على كذا هو موظف بعييد مرره عن أهلي وحتى أهله والرجال وحداني هناك وخايفه من المستقبل معاه الصراحه لاني سمعت ان المنطقه هناك حتى مافيه حياة ولا أقارب أزورهم واستانس معاهم وهو بيكون بالدوام ماهو لمي
تكفوووووون يابنات علموني وشسوي والله حيرااانه وابي شوووركم
امي تقول استخيري وان شاء الله ابستخير و كلمت اختي وقالتلي اسوي جدول وسويت جدول وسويت كل شي بالنسبه للإيجابيات والسلبيات لكن مو قادره اجيب شيء ايجابي واحد هل أرفضه وهل تتوقعون خالتي أو أهله بيزعلون مني لاني رفضت؟
وأنا ابي اكمل دراااستي بالجامعه باقيلي سنتين تقريبا وماودي انقل لاني اعرف صاحباتي هناك وندرس سوا وكل ششي ماشي زي الفل
ياليت تنصحوني بشي محتاجه آراءكم والله شايله هم الله لايوريكم مدري حتى انا طبيعيه او لا
الله يكتب لي ولكم الخير يارب
بنت محمد بن بندر @bnt_mhmd_bn_bndr
عضوة جديدة
يلزم عليك تسجيل الدخول أولًا لكتابة تعليق.
بنت - القرية
•
وافقي ياقلبي عاااادي حتى انا زوجي موظف بمنطقه بعيده عن اهلي واهله >تدرين كذا كويس ارتحنا من مشاكل اهلنا ووجع الراس وفهمنا بعضنا اكثر ، والجامعه عادي كملي بالشرقيه وبيصير عندك صديقات مع الوقت ، وع مايبدو ان وظيته حلوه وراتبه عالي ،المهم الحين اخلاق الولد كيف ركزي ع هالنقطه ؟ واذا ماناسبك لاتفكرين بأهله نهائيا !! لأنها حياتك مو حياتهم وبالتوفييق ....
الولد ماقد سمعت عنه او شفت منه تصرف سيء بس
ما اشوفه الا نادر لو وصلنا للبيت انا وامي ولا حتى اعرف عنه شيء ولا عنده حسابات تواصل الا انستقرام ولا احد يحسبني اتجسس عليه بس اشوف ضروري اعرف عنه
وش التصرف الصحيح يابنات حتي اعرف عنه اكثر ؟
ما اشوفه الا نادر لو وصلنا للبيت انا وامي ولا حتى اعرف عنه شيء ولا عنده حسابات تواصل الا انستقرام ولا احد يحسبني اتجسس عليه بس اشوف ضروري اعرف عنه
وش التصرف الصحيح يابنات حتي اعرف عنه اكثر ؟
بس بنات سمعت اكثر من مر وقد قريت مواصيع ها انه الزواج من الاقارب يكون فيه مشاكل من اكثر من جهه سواء وراثية او حتى في العلاقه بين الاهل لو ماتوفقنا وكذا وانا من زمان ضد هالفكره بس الحقيقه ماتوقعت اني انخطب من واحد قريب لي.
الحين صار الوضع يختلف وكان رايي مخليته لنفسي وماعلمت احد فيه ولا ادري هل الراي صايب او لا
الحين صار الوضع يختلف وكان رايي مخليته لنفسي وماعلمت احد فيه ولا ادري هل الراي صايب او لا
الصفحة الأخيرة