غرشوبة زعبيل :

الغاليه ،، انا قريت اللي صارلج وقريت ردود البنات لج،، ومثل ماقالوا خواتج انتي مب اول ولا آخر وحده يصيرلها هذا الشي ،،و الشي اللي مريتي فيه صعب ومب بسهوله تتقبلينه وأكيد صارلج كونفيوز فالتفكيــر واهتزت ثقتج بنفسج وبشكلج وامية ألف فكره يمكن تقولين انا ما عجبتهم يمكن بنت خالته أحلى مني يمكن تقولين معقوله انا خسفه إلخ ... انا ابغيج تتركين افكارج السلبيه كلها بعيـــــد ،، اقعدي مع نفسج وفكري بطريقه إيجابيه وحطي في بالج انتي مافيج عيب وألف واحد يتمناج،، العيـــب والنقص فيهم وفي ولدهم وانا ممكن اساعدج واحط وياج الأسباب اللي خلت هالناس اللي فيهم نقص يتصرفون وياج بهالطريقه السخيفه: 1- في عوايل يحبون يزوجون عيالهم لأقاربهم اعتقاداً منهم ان الخاله او العمه بتراعي الشاب فالطلبات. 2- في عوايل تزوج اولادها من نفس العاليله عل وعسى ان اخو البنت يكون من نصيب بنتهم يعني تبادل منفعه. 3- في عوايل عندهم الحريم يغارون مثل اللي صار مع خالة الولد وبنتها. 4- وفي عوايل تختار لولدهم ناس راهيين يعني ابو البنت عنده فلوس عل وعسى يساعد ولدهم في امور وايده. 5- في عوايل ادور اسم العايله يعني لازم تكون البنت قبيليه. وفي اسباب وايده خلتهم يتصرفون بهالتصرف السخيف وياج والأيام بتوضح لج الأمور عدل. بس الأهم من هذا حطي في بالج ان اللي غلطوا في حقج الولد وأهله وخالته وبنتها،، وامبين ان امورهم محسومه،، صدقيني بيي اليوم واللي بتسمعين فيه خبرهم. الولد: حدث ولا حرج الشخصيه فمان الله يعني آخرته بيضيع امبين زوجته وامه وخالته. البنت: مثل ما خلت امها تتصل وتقول تعالوا، باجر على ادنى مشكله بيقولها والله انتي اللي رخصتي نفسك وخليتي امج تترجاني آخذج. اما اهله مع خالته: الله بيرد لهم نفس الشي في بناتهم عشان يعرفون ان بنات الناس مب لعبه وقبل لا يدقون باب اي حد يتأكدون من نفسهم. ودايماً حطيها في بالج يا بخت من بات مظلوم ولا يبات ظالم، وان الله سبحانه وتعالى إذا حب عبداً ابتلاه ان شاء الله تنجحين في الاختبار وتتركين الأفكار السلبيه عنج واذكري الله والزمي الاستغفار وبأذن الواحد الأحد تنفرج عليج ورب العالمين يفتحها عليج يارب من اوسع ابوابه ونسمع منج اخبــــــــــــــار حلوه

الغاليه ،، انا قريت اللي صارلج وقريت ردود البنات لج،، ومثل ماقالوا خواتج انتي مب اول ولا آخر وحده...