مرحبا يابنات ساعدوني في مشكلتي
انكتب كتابي من شهر تقريبا وانا مو مرتاحه لهذا الشخص ابدا . وخلوني اعطيكم نبذه عنه – هو عمره 28 سنه – نشأ في بيت لايمكن انه يقعد فيه مع بنات او يتكلم معاهم مع انه الجامعه اللي هو درس فيها تعتبر مختلطه واشتغل في مكان فيه بنات- ودايما يقولون له في الشغل انك ماتعرف تتعامل مع البنات وفعلا انا لاحظت هذا الشي وقلت هالشي لاهلي هو مايعرف يتعامل مع البنات ودايما يقول لي انه ماله علاقات ابدا وانه الكل مستغرب من هالشي.. طبعا لما قلت له مبين عليك انك عاقل رد علي وقال من قال لك انه الشخص اللي ماله علاقات يعني عاقل !!!!!!!!! طبعا حسيت من كلامه والله اعلم انه يتمنى يكون علاقات مع بنات بس مب قادر ماعرف ليش؟؟؟؟؟؟؟ ومادري اذا احساسي في محله او لا
ودايما يتكلم عن الزواج عن حب وماعرف ليش دايما يكرر هالشي – بالنسبه لاسلوبه جاف جدا ويمزح مزح ثقيل يعني مره قال لي انه خلاص خذني وطاح الفاس في الراس ولما قلت له شلون تقول هالكلام قال اقصد انك خلاص صرتي زوجتي اللحين وانا مرتاح لك ..
لما اكلمه بالتلفون مايطول وعمره ماباسني مع اني قعدت معاه 9 مرات تقريبا – وعمره ماحاول يتقرب مني مع انه جريى جدا – يمكن ثلاث مرات بس مسك يدي واللحين ماصار يمسك يدي.
دايما يقول لي انه يخاف اني اتحسف لاني خديته وانه خايف انه مايقدر يوفر ي كل الاشياء اللي ابيها . قلت له شنو تقصد ماديا ؟؟؟؟ قال لامعنويا .. قلت له شنو قصدك يعني مابتحبني .. قام يتهرب ويقول لاانا خايف من المستقبل..
هو من النوع اللي ينفعل بسرعه وكل شي يقوله مايخش شي ابدا
اول طلعه طلعت فيها معاه حسيت انه وجهه يتقلب الوان استغربت شنو فيه ...؟؟؟ بعدين قال لي انه كان يقدر يخطب من البنات اللي معاه ي الجامعه بس النصيب... دايما يقول النصيب دااااااايما يقول هذا قدر .. مايقول انه خذاني لانه انا عجبته لا دايما يقول انه قدر .. بس عشان اكون واضحه وصريحه في كلامي هو اول مره قعد فيها معاي قال اني عجبته وانه يبيني وبعدين قال انه اول ماشافاني قال ايه هذي اللي راح تكون زوجتي....
انا مااقول اني جميله بس مملوحه وفيني جاذبيه – دايما يمدحون شكلي بس انا اشوف نفسي متوسطة الجمال.
لما امدحه احسه مايفرح بالعكس يعني لو قلت له شكلك حلو يقول بس عاد – لو قلت له اعرف انك عاقل يقول من قال لك انه اللي ماله علاقات يعني عاقل – لو اقوله اني حلمت حلم وفسرت الحلم انك هادي الطباع يقول هادي الطباع ؟؟؟؟ لا
لو اقوله اني مشتاقه له مايرد- لو اقوله اكيد كنت تفكر فيني يضحك ومايعطيني جواب.
ولما قلت له اني حبيته من يوم الملجه قال انا ماابيج تحبيني اخاف تقولين انج تسرعتي – بعدين قال شنو الشي اللي يخليج ماتكلميني .. هو السوال سالني اياه من قبل قلت له لو تخوني- وسالني هالسوال مره ثانيه بعد ماجاوبته قال انتي قلتي من قبل العلاقع وبعدين قال اذا بتحبيني الحب مايموت . يعني قصده حتى لو خاني- انا قلت له الحب بيموت لو خنتني طبعا – ماعرف ليش ضرب هالمثال؟؟؟؟؟؟؟؟؟ بس انا متاكده انه ماله علاقات لانه فعلا مايعرف يقول كلام حب وغزل ومايعرف شلون يتصرف مع البنات يعني يعامل البنت كانها واحد من الربع.
للعلم انا لما قلت له اني حبيته ماقصدت الحب بمعناه لااقصد اني تعودت عليه
نادر جدا مايمدحني واذا بغيته يمدحني لازم اساله ودايما يحب يحبطني يعني مره تعبت وسويت له طبخه حلوه قال طريقتها سهله اصلا مايبي لها شي..
من اول مره دخل بيتنا عشان يشوفني قال لي ترى هذا اخر بيت ادخله- وانه وحده ن اهلهم قالت له لاتفشلنا !!!!!!!!!!
مايبي يحاول انه يتقرب مني او يتعرف علي اكثر – واذا كنت اسولف بالكتابه في البلاك بيري يجاوب بس –لكن مايسولف ولايسالني –
كل مره امدحه او احاول اخطو خطوه لقدام يرجعني خطوتين لورى شلون اتصرف معاه وهو مايحب المدح؟؟؟؟؟؟
اكثر من مره اقوله اني قاعده اتعلم طبخات حلوه عشانه واني اتمنى اجيب اولاد عشانه لانه يبي اولاد ودايما احاول ابين اهتمامي فيه لكن مايقدر هالشي. للعلم انا خجوله بس احاول اني اتجرئ كله عشانه ولاحياه لمن تنادي
اللحين الاحباط عندي واصل حده ليش مايحسسني باهتمامه ليش مايحسسني بانوثتي وانه مقتنع فيني – فقدت الثقه بنفسي ومو عارفه كيف اتصرف.
واهلي اجبروني على اني اخذ هالشخص ولاانا ماكنت ابيه .
عمره ماحسسني اني زوجته ومره قال لي لو فرضا اللحين سيارتي اختربت ومافي احد يجي ياخذني وكانت الساعه 2 من الليل يقول شنو بتسوين قلت له بجي عشانك بس بمزح قلتها قال لي طبعا لازم تجين عشاني انا زوجج اللحين وحتى لو ابوج رفض انج تجين لازم بتجين لانه عليج اثم لو ماجيتي وانا زوجج – قلت له يعني تبيني اجيك في هالوقت المتاخر؟؟؟؟؟؟ يقول ايه
استغربت هو عمره ماحسسني انه زوجي او اني زوجته ولحضة المصلحه صرت زوجته ؟؟؟؟؟؟؟؟؟؟؟!!!!!!!!!!!!
اكثر من مره قال لي اني مثل اخته – شلون ريال يقول لخطيبته هالكلام؟؟؟؟؟؟؟؟؟؟
وماقدر اطلب الطلاق لانه اهلي جبروني عليه – اللحين كل وحده تحط نفسها بمكاني وتقول لي شلون بتصرف مع واحد جذيه- من عندها طاقية الإخفى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟من عندها المصباح السحري؟؟؟؟؟؟؟؟؟؟؟؟؟؟؟؟
عيونه انا @aayonh_ana
عضوة نشيطة
يلزم عليك تسجيل الدخول أولًا لكتابة تعليق.
فلسطين انا
•
الله يفرج همك
الله يعينك وياليت مشكلتك ماتطرحينهاا ب اي مكان يا ختي مو بكل استشاره بتلقين الردود الي تعطيكي اساسيات صح
اسالي دكاتره واستشيري ناس امكن من خبرات متعدده بظروف مختلفه
اسالي دكاتره واستشيري ناس امكن من خبرات متعدده بظروف مختلفه
الله يعينك
نصيحة مني عامليه مثل ما يعاملك و لا تمدحينه المدح مو زين للرجال و خلي علاقتك فيه سؤال و جواب لان الرقة و الرومنسية و الطيب ما جابت نتيجة
انا لو مكانك بصرااحة بطلب الطلاق و ما علي من كلام اهلي لان الزواج مو لعبة
لا تا خذي على كلامي هذا مجرد راي
بس
نصيحة مني عامليه مثل ما يعاملك و لا تمدحينه المدح مو زين للرجال و خلي علاقتك فيه سؤال و جواب لان الرقة و الرومنسية و الطيب ما جابت نتيجة
انا لو مكانك بصرااحة بطلب الطلاق و ما علي من كلام اهلي لان الزواج مو لعبة
لا تا خذي على كلامي هذا مجرد راي
بس
الصفحة الأخيرة