اذا امورك متيسره وزوجك موافق انزلي

منها تغيرين جو ومنها اجازه زوجيه :)

والله ييسر لك يارب وتروحين وترجعين بالسلامه :)

روحي وانبسطي غيري جو وغيري اللوك تبعك,,
نفسيتك راح تتحسن ,,تكسرين الملل اللي بينكم والروتين الزوجي ,,
ليش تحسين بالذنب هو بينزل ماده وبيشغل نفسه فيها وماراح يحس بالوقت ,,
انتي بتجلسين فاضيه وبتملين وتهوجسين وتفكرين وتطلع مشاكل مالها داعي ,,
مهما كان زوجك وماودك تخلينه لحاله بس لنفسك عليك حق ولبنتك بعد تغير جو ,,
خلي نزلتك بالصيف وقت الطلعات والاستراحات واستانسي ,,
مشكلتنا يالحريم نفكر كثير لو رحت يجلس لحاله مسكين يمل وهم ترى ابد مايفكرون كذا ,,
ارجع واقول لاتحسسين نفسك بالذنب ماتسوى عليك هي شهر بس مش عمر ,,


موفقه ياعسل استخيري والله يكتب لك اللي فيه الخيره ,,

أنا داخلة أقولك لا تنزلين للسعودية...

ليش؟

لأنك يوم رحتي مع البنات تحمستي بس.. انتظري كم أسبوع ويخف الحماس...

بس يوم قريت مشاعرك رحمتك.. ودي تشوفين أهلك ويشوفنك..

أنا حالياً بالسعودية عند أهلي جيت للولادة والآن انتظر صدور الفيزة الألمانية للبيبي.. وبنتي الكبيرة بعمر بنتك بس انتظر أروح لشقتي بألمانيا عشان أعلمها على الحمام (أكرمكم الله جميعاً) صعبة عند أهلي أحس أني بحرجهم وأنا بستحي لو بنتي....

أنتي شوفي لو زوجك عنده مادة وحدة بالصيف أكيد بيلقى وقت فاضي تنزلون كلكم للسعودية مع بعض لو أسبوعين على الأقل..

والله يجعل اللي فيه الخير..

ادري انك متحمسه تروحين للسعوديه

بس بما انك تدرسين لا تغامرين بالروحه
اولا ممكن بسبب الدخول والخروج والفيزا لا يستهبلون عليك
ثانيا
شوفي الخبر الجميل دا

(بركان أيسلندا) يعلق رحلات الخطوط السعودية إلى أمريكا



http://www.alriyadh.com/2010/05/10/article524478.html

يعني الروحه للناس اللي عندها دراسه مجازفه تخافين تتعلق الرحلات الى وقت تكون دراستهم بدأت

احس اني وجه بومه مع الاخبار هذي

كلامك صحيح حول تسجيل الدخول والخروج مافي للبنات .. وبشكل عام اسهل مرة بكثير للبنات واقل انتظار ..انا اروح واجي لوحدي ماقد صادفت مشكلة بالعكس من الباب للمخرج على طول
اما بالنسبة للي ذكرتي شهر واحد يمر بسرعة ..وزي ما قلتي دام بترجعي بنفسية احلا وتغيير لك وله مافي مشكلة
موفقة :)