انسانة ضعيفة اخيرا عندهاالشجاعة تكتب مشكلتها

بسم الله الرحمن الرحيم
الصراحة ما بعرف اذامن الصح اني اكتب مشكلتي ولا لأ
لكن حابة اسمع ارائكم في مشكلتي
انا كنت خاطبة لابن خالي كانوا اهلي موافقين وكتبنا الكتاب ويوم الخطبة بعد ما روحوا الناس صارت مشكلة بين ابوي واخوتي وما تتصوروش مدى حجم المشكلة
لانه ابوي صار رافض العريس طيب ليش ما قالنا قبل
قبل كتب الكتاب ليش وافق بالاصل وبعدين الله لا يوريكم ايش كان شعوري وانا لسة
بالبدلةوالمكياج والتسريحة
وثاني يوم ما كنت بدي اروح للمدرسة كنت بالتوجيهي وسمعني ابوي وانا بقول لامي
اني ما بدي اروح للمدرسة واجا وحكالي انت ما بدك تروحي للمدرسة لانك بدك تستني خطيبك وبزق بوجهي وما كان قدامي غير اني اروح للمدرسة
وهداك اليوم اجا خطيبي عنا و ما حكيت معه ولا كلمةومن يومها صرت اكره خطيبي
ومروا اسبوعين وكل ما يجي عنا ما احكي الا اذا حكى معي واكره اني اشوفه او
اني احكي معه وكان يشكي مني لاخته وكنت بحكيلها اني بستحي وبعدها صار موعد
انه يسافرلابو ظبي لانه كان بيشتغل هناك
وصار يحكي معي كل يوم وما كان يشوف مني اي تجاوب وبرضو شكى لخالي وخالي كلمني وحكيتله اني لسة مش ماخده عليه وبعدها صار يقلل اتصالاته وصار يتصل كل اسبوع مرة وصرت اقنع نفسي انه هو مالو ذنب وصرت احكي معه لكن لسه قلبي ما صفي وصار النا على هالحال سنتين واجانا خبر انه ما معه فلوس عشان يتزوج
وانه بدو اياني اصبر كمان سنتين لكن الاتصالات من عنده للقدس صارت ممنوعة
وانا مش عارفة كيف بدي احكي معه وحاولت اتصل عليه وفعلا لقط الخط
لكن ما حكيت معه غير كلمتين وانقطع الاتصال وحاولت كتير وما زبط
وانا ما حكيت لابوي اي اشي عن المشكلة وبعدها بفترة اتصل خالي الكبير
وحكى لابوي القصة لكن ابوي رفض وحكالو انو يبعتو ورقة الطلاق باسرع ما يمكن
وما اخبي عليكم اني فرحت عشان ابوي يكون مبسوط
وبكملكم القصة بعدين لانه بنتي بتبكي والقصة طويلة