انسان غريب يبغي يساعدني بس ليييييييييييش ؟؟ ما أدري ؟

السلام عليكم ورحمة الله وبركاته ....

انا في حيرة من أمري ومو عارفه أتصرف ولا شسوي ؟؟؟؟؟؟؟؟؟

لان أول مرة في حياتي يصيدني هالموقف ....بقول لكم السالفه بس أبغي رأيكم فيها ؟؟

انا صار لي شهر كااااااااااااااااااااااامل أو أكثر من شهر والمشاكل ما تخلص ورا بعض يا دافع البلا ياالله ...... بس امس صادني حادث مروري تكسرت فيه سيارتي الواجهة الامامية وعلى الجوانب كلها .... وهي توها سيارتي جديدة موديل 2006 .. :( ما تهنيت فيها من كل مرة أسوي فيها حادث ما ادري يمكن صادتها عيون وحسد لانها فخمة وحلو شكلها والكل يسألني عنها ؟؟ ((((((( يعني هاذي بعد مشكلة أبغي لها حل ابغي اروح العين عن سيارتي ؟؟ كيف ؟؟ ))))))

المهم انا كنت الغلطانه لاني دخلت من اتجاه معاكس ..وممنوع .. وانا اوقف السيارة على جنب والا اشوف واحد لابس عسكري .. يعني في قوة الدفاع .. جاي صوب سيارتي .. ونصحني وقال لي لا اتقولي للمرور انك كنتي طالعه من هالطريق والا بيسحبون ليسنج ؟؟ وانا بشهد وياج اذا الهندي اللي دعمتيه قال غير ؟؟ قلت له اوكي مشكور .. قال عطيني رقمج وانا اللحين بتصل في المرور وبعلمج شنو يقولون لي وبخليهم يجون موقع الحادث .. المشكلة كانت ان تلفوني ما ادري اشفيه خراب ما يتصل من يومين وقلت فرصه هو يتصل ويساعدني ..

المهم جا المرور موقع الحادث ويوم قلت له كل شئ طبعا ما قلت له عن الطريق الممنوع اللي طلعت منه .. صدقني المرور وحتى الهندي اللي دعمته ما تكلم ولا شئ بس انا قلت له انا الغلطانه عليه وعطاني التقرير ومشيت عقب ما جا زوجي ..

هو الرجال قال لي اتصلي فيني اذا تبغين اي شئ ترى انا اعرف ناس واصلين ويقدرون يسوون لج اللي تبغينه .. انا رجعت البيت ولا اتصلت فيه ولاشئ قلت ما له داعي ؟؟
الا اليوم الصبح ما اشوف الا متصل يسأل عني ويعتب علي لاني ما اتصلت ولان المرور اتصلوا فيه عشان الشهادة بس انا اتوقع انه يكذب لان السالفه اصلا خلصت في وقتها واخذت التقرير ولا اتصلوا فيه ولا شئ ..
انا هني ضربت له نغزه عشان يعرف ان انا متزوجه وقلت له ان زوجي جاني الحادث وتصرف وخلص كل شئ ؟ وسألني عندج عيال ؟؟ قلت له اي ؟؟
وبعدين قام يسألني اذا احتاج شئ ولا لا ؟؟ سألني انتي تشتغلين تبغين تغيرين شغلج ؟؟ وانا بالفعل ابي انقل لمدرسة غير عن اللي انا فيها لانها صبيان وابي بنات وقريبة من بيتي .. قلت له قال ما يصير خاطرج الا طيب وانا بشوف لج السالفه كلها ؟ قلت له ما يحتاج اذا عيك كلافه ؟ قال ما عليج .. قال لي متى تحبين اتصل فيج يعني تبغيني اتصل وزوجك مو موموجود ؟؟؟؟؟؟؟؟؟؟؟
طبعا انا قلت له لا بالعكس عادي اتصل في اي وقت لان زوجي انا قلت له عنك وان انت ساعدتني ؟؟ حتى قال هو يبغي يتصل فيك يشكرك ؟؟ المهم هو قال انا برد عليج خبر ولا يهمج ؟؟

انا اللحين خايفه من السالفه هاذي مو عارفه شنو اقول له اذا اتصل مرة ثانية ؟؟
لاني خبرت زوجي عنه واستحرق فيني ؟؟ على قولته شافش حلوة وصغيرة ويبغي يقص عليج ؟؟ بس قلت له اذا اتصل مرة ثانية بخليك انت تكلمه واتشوف سالفته اذا كان صدق يبي يساعدني او لا؟؟
على فكرة ترى الرقم اللي عطيته اياه رقم زوجي مو رقم تلفوني ؟
بس اللحين عطوني رأيكم شنو أسوي ؟؟ انا خايفه منه يسوي لي سالفه ؟؟ وليش يبغي يساعدني هل يبغي شئ في المقابل او انه يبغي بس يتم يتصل فيني ؟؟
انا بصراحه محتاجه لواسطه قوية تنقلني من مدرستي لمدرسة غير بس شسوي ؟؟

سااااااااااااااااااااااعدوني برأيكم ؟؟ محتاجته ضروري ..