{ فَمَنْ عَفَا وَأَصْلَحَ فَأَجْرُهُ عَلَى اللَّهِ إِنَّهُ لَا يُحِبُّ الظَّالِمِينَ }

ياناس اعفو واصفحو وبتلاقو العوض من الله بدنيا قبل الآخرة

ي اخوات خلوها دعوه للتسامح والعفو
حتى ننعم بمغفرة من الله ورضوان
الحقد والكره يحرق قلب صاحبه
وخلونا نقتدي بخير البشر صلى الله عليه وسلم
عندما قال لقومه
اذهبوا وانتم الطلقاء
طهر الله قلوبنا وقلوبكم

ياكثر مااسامح وأغفر لناااس مع ان بعضهم جرحووني بجرووح كبيره
مره طالبه معي بلكليه كانت حامل وتوفي جنينها
بعد مده سمعت من الطالبات انها تقول اني عنتها؟؟؟
وانا وربي صادقه ماادري وين سوقها ههههه بس الصراحه انصدمت واستغربت ليه فكرت كذا
مابيني وبينها شي اصلا
ومره اتهمت من مره ابوي اني سحرت اخوي عشان ازوجه صديقتي
اخوي خذا كااااان غالي علي مررره واحبه حب مايعلم فيه غير ربي
ولدنا مع بعض
وامي كانت ترضعه من حليبي ودايما كنت امازحه واقوله ماهنتني بحليبي
المهم الولد جاني فجاه هو كان موظف بارامكو وانا كنت طالبه بالكليه
وقال ابغي اتزوج صديقتك وحددها بلاسم
والله يابنات اني فرحت لان البنت تهووول الصدق
بس خفت من رده فعل ابوي وامه
وقلت لاخوي يومها انا مالي دخل
روح لاهلك وتكلم معهم لاني اعرف امه وتفكيرها
واذا علي البنت انا بكلمها بس اول كلم اهلنا
المهم انا كنت باخر سنه
رجعت الديره وانخطبت وتملكت علي طوول
وصارت مشاكل كثيره خلال الفتره ووصل كلام لزوجي اني انا سحرت اخوي!!!
بعدها سافرت بري مع زوجي للدراسه
ومااخذت 3 شهور الا سامع من اخواتي ان مره ابوي واخواتي اللي من ابوي يقولون اني انا اللي سحرت اخوي
علي فكره اخوي بعد ماغبت فجاه قالو صار مختل عقليا!!! والسبب اخذ حبوب مخدرات وصار تلف بالدماغ مستحيل يتعالج منه
المهم الحكايه طويله
بس الحمدالله مسامحتهم و كلن حسابه عند ربي
بعدها زوجي المصوون اكتشفت انه كان مسوي بلااوووي عظيمه تشيب الراس يابنات
طبعا قبل مايعرفني
بس انا كنت احبه مووووت وهو يحبني والصراحه سامحته رغم انه انكسر حلم جميل بداخلي
بس كنت حاسه اني لازمه اسامحه والا راح اخسره كله
الشي المستحيل اللي مستحيل راح اسامح عليه هو الخيانه
يعني لو اكتشف انه خان عهده معي وجرحني وانا بذمته
راح يكووون اخر يوم بيني وبينه
الله لايجيب هذا اليوم ابدا

سامحت كل من اخطأ بحقي
الدنيا فاااااانيه.

امي والله مااسامحها عاشت او ماتت

سوت فيني اشياء ماتوقعت فيه ام بهالدنيا تسويها

لكن حسبي الله ونعم الوكيل