انسجن زوجي وحالتي النفسيه دماااار

بنات
قدر الله وانسجن زوجي
ورحت لأهلي لأن صعبه اقعد لحالي رغم ان البيت قريب مره من بيت اهلي .. انسجن زوجي واااه يابنات شفت الشماته بعيون اقرب الناس لي اللي يقول احسن يستاهل واللي يقول غبي واللي يتلفظ بألفاظ .. زوجي وطبيعي نفسيتي تتعب امي تقول اللي يشوفك تبكين يقول مدلعك .. وهو يشهد الله معيشني ملكه مقارنه بعيشتي عند اهلي 😭 بس مدري ليه اهلي مايحبونه ..
المهم انسجن وجاني اخوي اخذني من بيتي وقعد يفتش وينبش بالبيت واخذ جوال زوجي غصب عني واخذ جزماته وشماغه واخذ اغراض خاصه بزوجي زي عدة السياره والكشفات حقت البر وووالخ وكل ما اقول لفلان يقول يوووه فلان خلاص بالسجن كنه يابنات يبي يقهرني ويحرني 😭
ومره كنت نايمه عند اهلي بغرفة خواتي دخل فتش شناطي وسرق مفتاح شقتي وراح لها يابنات واخذ منها اغراض منها الشاحن المتنقل حق زوجي واسطوانة الغاز ومدري وشو بعد بس هذا اللي انتبهت لهم يوم رحت للشقه اتفقدها .. وجايب عطور زوجي وآخذ الشموع اللي على الكومدينات مدري وش يبي فيها !! بالعربي شلحني تشليححححح .. والله كنت ابكي قهر وابكي ظلم وابكي من سجن زوجي
كنت احسب اهلي سند لي وهم ماصدقوا على الله ينسجن زوجي ..
امي تهاوشني لو اروح ازور زوجي بالسجن تقول مكالمه تكفي رغم ان السجن مابيني وبينه الا ٥ دقايق بس
وتهاوشني اذا دخلت للحمام اتروش وتهاوشني لو اشغل السخانات او اشبك جوالي بالشاحن نص هواشنا عشان الكهرب والمويه
تقول توظفي ساعديني انا يادوب اصرف على عيالي .. طيب وانا ايش ؟ حسيت اني جايتهم ومعي ٥ بزران .. ترا لحالي والله 😭
ودايم تهاوشني عند خالاتي وعند خواتي الكبار تقول هذا اللي انا خايفه منه تجيني يد قدام ويد ورا مامعك فلوس
قلت لوحده من صديقاتي تدور لي وظيفه ويوم لقت لي رفض اخوي يقول هذي هستره ودشره ومدري وش لأنها بالسوق وقعد ينافخ علي يقول انثبري لا اقوم اجلدك والله يلعنك ويلعن زوجك
حرمني الوظيفه .. حرمني من صديقاتي .. حرمني من زيارة زوجي .. حرمني من اني اعيش حياتي زي باقي البنات وضيق علي عيشتي
اااااهه يابنات وش اقول ووش اخلي
قلبي مجروح واحس تعبت من هالدنيا وانا لسى صغيره


تكفون ادعوا لي حبيبي زوجي يطلع لي من السجن عاجلا عير آجل
تكفون بنات تكفووون 😭😭😭


اللهم اني اسألك ياحي ياقيوم يامن تقول للشيء كن فيكون ان تخرج لي زوجي من سجنه عاجلا عير آجل .. يارب يطلع من سجنه ياااارب