روحي جعل ربي يرزقك ويانا بالذريه الصالحه عاجلاً غير اجل ويقر عيونا بشوفتهم ويسخر لنا ازواجنا والارض ومن عليها ❤️ماتوقع انك مستعده للانفصال وهالشي واضح اعملي بالاسباب ارقي نفسك ارجعي نظمي اكلك نومك وسوي رياضه شيكي ع الغده عندك واكثري حوقله ورجعي المرح لحياتك ارجعي احتوي زوجك من جديد مو نهايه الحياه اليأس والاحباط خليهم بدايه لحياه جديده تنرمم من اول وجديد بكل تفائل وان الجاي احلا وكل خير من الله ،،عسى ان تكرهو شي وهو خيراً لكم،، روحي سوي شي تحبينه غيري ستايلك شعرك لبسك غيري شي ببيتك لو لوحه بدلي مكانها اي شي بيسوي فرق بنفسيتك ونفسيه زوجك شغلي البقره بالبيت واقريها اشغلي نفسك عن موضوع الحمل لاتفكري كثير وشوفي شنو سبب الاجهاضات المتكرره وصدقيني الله مازرع هالامل بقلبك الا لانه بيعطيك اللي تمنيتي وبيجبر خاطرك ثقي بالله وتوكلي عليه ويلا قومي ضبطي اولوياتك وسوي شي يسعدك وغيري نفستك الدنيا حلوه وتوك شباب ودام حصل حمل ذا شي كويس غيرك فوق30 سنه انتظار وبدون حمل حتى لما تشوفي هموم الناس يهون همك وانا اختك الدنيا متقلبه بيوم وليله فالحمدلله ع كل حال والله يرزقك ويجبر خاطرك ي روحي انتي ❤️

حبيبتي انتي سوي تحليل الاجسام المضاده انتي عندك بدمك الكريات الدم مرتفعه تحارب اي شي غريب بالجسم وهذا السبب اللي مخليك تسقطي عندك الدم مايوصل للمشيمه وجسمك يشوف ان الجنين شي غريب راح يحاربه وينزله الحل يعطونك اسبرين عشان الدم يوصل للمشيمه او اذا جسمك مايتحمل الاسبرين يعطوك ابر تثبت الجنين بنت عمي نفسك بالضبط وسوت هالتحليل واللحين عندها بنت وولد

الله يرزقك والانفصال مو حل
واذا حاسه انك السبب خليه يتزوج وانتي ادعي ربي يربط على قلبك ويعوضك خير ..

الله يريح قلبك و يرزقك ب الذرية الصالحه و يفرحك فرح تنسين فيه كل همك
اول شي بقولك انه هذا كتبة ربي و باذن الله انتي ماجوره
، ثانيا لازم تعرفين سبب توقف النبض ، هل فيه عندك اجسام مضاده وهذا لها حل ، هل الحيوان المنوي فيه تكسر و هذا يبان بالتحليل و يسبب اجهاض في بداية الاشهر.
انصحك تروحين ل دكتوره غادة غراب في ذرية باذن الله بتلقين العلاج عندها.


ثالثا لو الموضوع العكس و زوجك فيه المشكله هل راح تتخلين عنه؟
طبعا لا ، انا صار لي هذا الموضوع وزوجي طلعت عنده حيوانات منويه صفر، وكثير بنات مثلي و ما تركنا ازواجنا .. و قاعدين يتعالجون و الله الرزاق الكريم. كنت دائما افكر اقول لو انا المشكله فيني هل زوجي بيوقف معي او بيتزوج علي !! بس اتعوذ من ابليس و اقول هذي كتبة ربي.


رابعا عمرك مو كبير و باذن الله ربي بيرزقك، الله ييسر امرك.

وصحيح بخصوص الملل حاولو تسوين اشياء تغير جوكم ،
مثلا يحب الافلام الاجنبيه ، تابعي معه افلام وجهزي الجو.
اشتري بسه واهتمو فيها والله تدخل السعاده على قلبكم وفيها اجر.