انا كنت رايحه لسوق (حجاب)الي بالنسيم الله لايعيده
قلت لزوجي ابي فلوس صرف 400 وقلت لا ابي 300 بس *سبحان الله مكتوب
المهم اخذت 300 وكان معاي 300
حاطه بالبوك سلسال ذهب ضايقتي وحطيته
نزلنا انا واختي وراح زوجي
مريت من عندالبسطات حقت الحريم وجاتني وحده تبيع وقلتله شكرا
ودقايق واقف عند مره ابشري جلابيه واشوف الشنطه مفتوح سحابه للنص وادور البوك
فص وذاب
والله اني انقهرت حسبي الله عليهم
ماهمني الفلوس بس تفكيري كيف فتحو الشنطه وهي بيدي

ياكثر المرات اللي انسرق فيها كانت وحده تجينا البيت قريبه لنا وادخلها غرفتي ولا كنت ادري ان اختها يدها طويله الله يهديها سرقت جاكيت جنيز وتيشيرت مرسوم عليه كاسبر والمشكله هي متينه مايجي عليهاولا شي من اللي سرقته واخر شي تختم السرقه بروج ومحدد من بدي شوب توه جديد ماتهنيت فيه الله يسامحها


والمرة الثانيه في رمضان نزلت انا وزوجي وولدي ودخلنا ادمز ودخلوا وراءنا ثنتين بنات وقفوا جنب انا وزوجي وجلسوا يتكلمون بصوت خفيف والله العظيم انا وزوجي صنمنا ولا ندري عن اعمارنا الا وشنطتي مسروقه فيها جوالي والبوك ولو ماربي ستر علينا كان اخذوا ولدي معهم

لاحول ولاقوة الا بالله العلي العظيم

الله لايحطنا بذي المواقف

انا دايما الكامير في شنطتي فلما اخرج السوق وادخل المسجد اصلي قلبي على ايدي مع ان الكامير مافيها صوري
بس الوحده من كتر ماتسمع تخاف

الله يحفظنـــااا ..