السلام عليكم اخواتي في الله
امس بالليل نمت متأخر و خصوصا أن هاليومين فيني قلق - بسبب مشكلتي مع زوجي اللي عرفتوها كلها بكل تفاصيلها - و سبحان الله كل يوم انام و تجيني ذيك الأفكار قبل لا انام و الوساوس و حتى الكوابيس - الله يكفينا شرها -
و امس بعد ما نمت صحيت مفزوعة على تقريبا الساعة ثلاثة و حلمت بأن بيتي انسرق و أن الحرامي سرق من عندي كرتون فيه اغراض - و للعلم يا بنات هذا الكرتون عندي بالبيت و فيه اغراض لزوجي من كان بالجامعة يعني كتب و ملازم و الخ - و محتارة ايش تفسير الحلم لأن الحرامي ما شال غيره مع أن البيت مليان !!!!
المهم يا بنات و اصحى من نومي و استغفر ربي و اتعوذ من الشيطان و صرت اقول يا رب يكون خير يا رب يكون خير
و طبعا طار النوم من عيوني و جلست اسبح و استغفرالى صلاة الفجر و صليت و دعيت و يا رب يتحقق اللي دعيت فيه
و احاول ارجع انام و لا فيه امل و قمت و رتبت بيتي و بعدين جلست افكر و اتذكر ذكريات مرت علي بطفولتي و مراهقتي بخصوص السرقة و الحرامية و خصوصا أن عندي فوبيا من الحرامية و السرقات و سيرتهم
و دائما ادعي ربي و احصن اولادي و بيتي ضد السرقة و الحرامية - و خصوصا اني في فترة مراهقتي تعرض بيتنا للسرقة و انسرق بيت عمي و انسرقت شنطة أمي
و بحكيلكم بالتفصيل
الموقف الأول : كنت يومها بالمتوسط و بيتنا كان شقة في حي محترم و راقي في الرياض و بعمارة بس مش على الشارع العام لأ في الحارات و كنت أنا و اخواتي عندنا غرفة نوم ننام مع بعض و طبعا أمي و أبوي في غرفتهم
و كان الوقت على ما اذكر حول الفجر و تفاصيل القصة بدأت من غرفة أمي و كانت أمي غارقة في النوم و فجأة و هي تتقلب فتحت عيونها الا و تشوف قدامها رجال حاط لثمة بالشماغ على وجهه في نص غرفة النوم و هي من الفجعة انربط لسانها و صارت بس تدف بأبوي تصحيه و يوم يصحى أبوي و يشوف الحرامي ينط يبغى يلحقة الا و الحرامي مجهز نفسه و مرتب اموره و حاط مفتاح باب الغرفة من بره فطبعا طلع و قفل الباب وراه يعني قفل على أمي و أبوي و احنا صحينا على صراخهم و المشكلة ان ابوي و امي وقتها صاروا مفجوعين علينا كلنا بنات و خافوا يكونوا عصابة و بيأذونا فصار بابا يحاول يكسر الباب و ينادي علينا و احنا نرد عليهم بأن بابنا مقفل و الحمد لله كانت اختي ذكية و عرفت تتصرف و فكرت أن الغرفتين صايرين على جدار واحد و الشبابيك جنب بعض - و الله العظيم يا بنات فتحنا الشبابيك - شباك غرفتنا و شباك غرفة امي و ابوي و صرنا نتكلم من الشباك و نتطمن على بعض و عرفنا ان الحرامي قفل علينا و عليهم و يومها ما انسى كلام بابا خلاص مادام انتو بخير كله يهون -
و طبعا الحين جا دور ان احد يفتح علينا باب الغرف و صرنا ننادي على الجيران الين جا جارنا شاب و دخل بيتنا و فتح باب غرفتنا و غرفة امي و ابوي و اخرجنا سالمين
و صرنا نتفقد البيت و حصلناه سارق رسيفرين و فيديو و فلوس من محفظة ابوي و جوال امي و ابوي
و الله العظيم يا بنات موقف ما انساه بعمري و خصوصا امي المسكينة صار عندها زي الصدمة من اللي شافته بعيونها الله لا يعيدها
الموقف الثاني في بيت عمي مره كنا جالسين في بيتهم - بيتهم فله - و كنت انا نايمة عندهم و سهرانة مع بنت عمي و الباقي كلهم نايمين و هدوء - لأن كنا حاطين جنبنا مجموعة مجلات و نازلين فيها قراءة - الا و نسمع ذاك الصوت من الباب الرئيسي للبيت - يعني مش اللي يستخدموه دائما لأ الباب اللي يستخدم بس للضيوف الرسميين - و نتسمر بأرضنا و زي الخبلات المعتوهات نسمع صوت و وواقفين مشدوهين ننتظر المصير المجهول - و للآن كل ما نذكر الموقف نحس قد ايش حسن التصرف و سرعة البديهة مهمة -
المهم و الحرامي متحمس و مستمر الين صحينا - و لله الحمد يا بنات قبل فوات الاوان - و هاتك يا صراخ و نطل من الشباك و نقول حرامي حرامي الين صحينا كل اللي في البيت و صحينا الجيران و الله يا بنات نشوف الحرامي بأم عيونا و هو يهرب و ينط من السور و الله شكله زي الفار لما ينفجع و يهرب !
و تفادى عمي مشكلة السرقة بأنه ركب على السور من فوق هذا يجيكم زي القزاز المكسر او الشفرات حتى لا ينط احد من على السور و كمان على نصيحة الجيران لأن عمي فيه طبع ما يشغل انوار الحوش كثير و دائما بيتهم مظلم و يعطي شعور بأن اهل البيت مسافرين و من يومها توبه ما شاء الله عليه صار حوشهم الحين كنه عرس !!!!!!!!
الموقف الثالث : كنا أنا و امي الله يطول عمرها مضطرين نروح موعد اسنان للوالدة و ابوي كان مسافر و اضطرينا نطلع من البيت و نمشي شوي لين نوصل للشارع حتى نركب ليموزين و احنا ماشيين بأمان الله الا و تجيلك سيارة طايرة و طيرت معاها شنطة أمي المسكينة سرقوا شنطتها باللي فيها الجوال المحفظة و كان فيها من فضل ربي بس 300 ريال و لله الحمد كانت فلوس الدكتور و هي تقريبا 2000 ريال بشنطتي لأن امي قالتلي خليهم معاك ادفعي اللي يلزم و الباقي يصير لك - الله لا يحرمني منك يا امي -
و بلغنا الشرطة و الشرطة ترد علينا ثاني يوم انهم حصلوا الشنطة مرمية عن السوبر ماركت اللي على الشارع بس ما فيها غير بطاقة امي و اوراق
هاذي مواقفي و عن تجربة و خلاص مثل هذي المواقف تعلق بالذاكرة و لا يمحيها شي
و ياريت تشاركوني انتو كمان تشاركونا بمواقفكم و بتجاربكم و لو انت او احد من اهلك تعرض لسرقة لا قدر الله فضفضي معانا و خبرينا بأيش صار و كيف تصرفتوا و ايش كانت المسروقات و هل مسكتوا الحرامي و لا لأ ؟؟
عندي ثلاث وردات @aandy_thlath_ordat
عضوة جديدة
انسرق بيتكم ، انسرقت شنطتك ،انسرق جوالك ، ذكرينا بتجربة مرت عليك الله لا يعيدها
88
31K
يلزم عليك تسجيل الدخول أولًا لكتابة تعليق.
اكو ناس حلو ين
•
انسرق ليه 400 ريال في الكليه
في الاجازة اللي راحت سافرنا جدة ولما رجعنا لقينا بيتنا مسروق انسرقت تقريبا 12 سلسلة ذهب و6خواتم وجهاز بلاستيشن
الحمدلله على كل حال
الحمدلله على كل حال
انا مره انسرق جوالي بماكس بجده ومره انسرقت محفظتي وانا بالاردن كمان بماكس وكان فيها تقريبا 500 ريال بس سبحان الله الهويه والكروت والاوزراق المهمه كنت شايلتهم من المحفظه قبل بكم يوم <<<<<<<<فنفذوا بس انا تعقدت من ماكس مستقصديني خخخخخخخخخ
الصفحة الأخيرة