رمايه

في البدايه الله اوفقج ويسهل دربج ان شاء الله

بالنسبه للدعايه -

أولا لازم تفكرين و تعرفين شو أحسن نوع للدعايه - يعني في الصحف أو التلفزيون أو الاذاعه أو شو بالضبط

انتي تسألين عن الصحف - قبل لا تعلنين أو تفكرين تعلنين _ اتصلي في جميع الصحف المحليه اللي عندكم

أكيد انتي تعرفين شو أكثر الصحف المنتشره واللي فيها دعايات أكثر من غيرها

بالاضافه الى الصحف اليوميه .. في صحف اعلانيه اسبوعيه مثل الوسيط أو غيرها و هي في جميع دول الخليج

أكيد تعرفين ان الاسعار تختلف في الصحف من حيث: المساحه - المكان ( الصفحه الاولى أو غيرها ) - الالوان ( ملون أو ابيض+ أسود )

اتصلي الجريده اللي تبين تعلنين فيها و خبريهم تبين تحطين اعلان عندهم

بيسألونج شو نوع الاعلان و مساحته ... خبريهم مثلا اعلان عن محل أو ماركه جديده في الدوله وانج تبين تعرضين صور في الاعلان بالاضافه الى الكلمات اللي بتكون في الاعلان و مساحته

أهم شي مساحة الاعلان لانج بتعرفين كم بكلفج ... و يمكن يكون أغلى من ما تتصورين

من ناحية تصميم الاعلان .. اللي اعرفه ان جريدة الوسيط هم يصممون الاعلان وهذا عليهم بدون تكلفه اضافيه .. بس انتي تخبرينهم كيف تبين شكل الاعلان يكون والباقي عليهم .. و هم بسوون بروفه و بياخذون رأيج فيه قبل الاعلان

وهذا الكلام في كل الجرايد

شركات الاعلان والدعايه هي للاعمال الكبيره يعني مثل دعايات في التلفزيون أو في الشوارع العامه ... الخ

و اذا تبين مساعده أكثر .. تفضلي أسالي

و بالتوفيق مره ثانيه

مشكوره اختي أفراح أمه اما انا طلعت على نياتي ولا اعرف شو الطبخه بس يالله نتعلم من الأخطاء

زين سؤال ثاني تقريبا يسون الاعلان بسرعه ولا لازم انتظر فتره

معليش اسألتي كثير بس المشكله اني استحي اتصل واسأل بس مافي الا اطرش وسيط


تسلمين

هلا أختي رماية..

بخصوص السؤال الثاني.. يعتمد للجهة اللي بتروحيلها.. أسأليهم أفضل قبل ما تروحين.. كم يوم تقريباً يحتاجون ..

وما اتوقع ياخذون وقت بالكثير ثلاث أو أربع أيام.. هذا اللي اعرفه .. لأني مجربه..

وحاضرين إذا في أي أسئله ثانية,,

تحياتي ..

سيدة اعمال

رمايه

ما في عيب في السؤال

ومافي داعي تروحين و تسألين ... كل شي بالتلفون يستوي - خاصة الاستفسارات والتوضيحات

انتي بس اسالي وهم بقدمون لج كل خدمه لان هدفهم يقنعونج انج تعلنين عندهم .. تذكري انهم محتاجين لج لان في النهايه انتي اللي بتدفعين الفلوس

اسالي قد ما تريدين وتأكدي من كل شي قبل لا تسوينه عشان لا تصير أخطاء و تندمين عليها

و بالتوفيق مره ثانيه

مشكوره اختي سيده أعمال بس ماقلتي لي شخبار اعمالك يمكن نتعاونك معاك :27:

**************
مشكوره اختي أفراح الأمه والله ردك ريحني كثير

تسلمون كلكم