ابغى اسمع انشودة يا مكة دايم يتكلموا عنها .. ما عرفت لما فتحت الرابط شلون أسمعها يقول لازم داون لود كيييييييييييف؟؟؟ ارجوك علميني

فدى الاسلام ياغاليه ..

حياك الرحمن ..

داون لود يعني تحميلها على جهازك ..

وانا مااضفت اي رابط استماع بس ..

شوفي ادخلي الرابط هذا ..

http://www.almoso3h.com/nsheed/makkah

بتلاقين تحت الجدول الاول مكتوب ..

*من يريد الانشودة مباشرة فليضغط هنا (حجم الملف 11.386 كيلوبايت) ..

حطي الماوس عليها واضغطي باليمين واختاري حفظ الهدف باسم .. او (save target as)

بيطلع لك نافذه اختاري منها انتِ تبين تحملين الانشودة باي مكان بجهازك ..

غالبا حطيها بسطح المكتب اسرع لك بعدين انقليها لمكان ماتحبي ..

واختاري موافق وخلاص بيبدا يحمل ..

بتاخذ وقت شوي لانها كبيره ..

بس بتتحمل ان شاءالله ..

هالطريقه اذا كان الاتصال عندك كويس وسريع ..

اما اذا كان الاتصال عندك مش مضبوط ويفصل ..

ففيه طريقه ثانيه اسرع واسهل ..

علميني واشرحها لك خطوة خطوة وبالصور لو تبين ياعسل :)

يارب يكون شرحي وافي ..

وان شاءالله تتحمل معاك وتضبط ..

شاكره ياعسل لك مرورك ..

وبانتظار ردك علي ..

موفقه :26:

الله يجزيك الجنة ويوفقك يارب دنيا وآخرة ..بس انا الطريقة اللي قلتي عنها سويتها ونطرت التحميل وآخرها ما فتح

علميني الطريقة الثانية يمكن تضبط مو شرط بالصور لو بالكلام ..
والله يعينك علي صج انا ثقيلة دم :)

مشكوووووووووووووووره

ولاثقيله دم ولاشي ..

تامرين ياقمر ويارب تضبط ..

شوفي باشرح بالتفصيل الممل يعني اكيد بيكون في تفاصيل أنتي عارفتها ..

ولكن ولو خلينا نشرحها بالتفصيل اضمن ..

وتحمليني ياعسل

شوفي ..

اول شي روحي سطح المكتب .. أو اي مكان انتِ تبينه سواء المستندات او غيرها ..

اضغطي يمين في المكان اللي تبين تحفظين فيه الانشودة ..

واختاري جديد .. بعدين اختاري مجلد .. بيطلع لك مجلد سميه اللي تبين أو اتركي اسمه زي ماهو ..

الخطوة اللي فاتت سوينا مجلد جديد راح نحمل فيه ملفات يامكه علشان نشغلها ..

-------------
الخطوة الثانيه ..

روحي للصفحه هذي

http://www.almoso3h.com/nsheed/makkah

شفتي الجدول الاول ؟

فيه ارقام من واحد الى عشرة ..

اللي ابيه منك انك تحملين الملفات هذي من واحد الى عشره (كلها يعني ) في المجلد اللي سويتيه في الخطوة الاولى ..

روحي عند رقم واحد .. اضغطي يمين واختاري حفظ الهدف باسم وبعدها اختاري المجلد اللي انت مسويته عشان تنحفظ فيه .. واضغطي موافق ..

ولما يتحمل روحي لرقم 2 وسوي معاه اللي سويتي مع رقم واحد ..

وكذا مع كل الملفات من واحد الى عشره حمليهم (في مجلد واحد لازم يكونون سوا )

لما تحملينهم كلهم ياقمر ..

نكمل سوا ..

اهم شي يتحملون كلهم ... لاتنسين شي منهم تأكدي ..

ويتحملون بمكان واحد يعني تأكدي انك تحفظينهم سوا ..


وخبريني وش يصير معاك ياعسل علشان نكمل شرح وان شاءالله ابشري انها بتشتغل معاك ... يعني بتشتغل معاك باذن الله ..

موفقه واستناك ..