لاتكن لينا فتعصر ولاصلبا فتكسر
خير الامور اوسطها
لاتشتري له اراضي تسسددي ايجاراته..ألخ

انتي عطيه بالكلام قولي انا زوجتك فلوسي فلوسك والجيب واحد
لكن لاترخي بالحيل معه
قولي لازم نتعاون على مصاريف ونوفر بعض عشان نبني مستقبل جميل
وبالاقناع يهتدي على يدك

ما أنصحك تعطينه حتى لو لمح لك .. لازم يفهم ويتعود انه هو الرجل المسؤول وهو فقط اللي يصرف ولا يعتمد على أحد حتى لو كان انت .. مو لازم تقولين له أنا ما بعطيك .. يكفي انك تمسكين يدك وإذا لمح سوي نفسك مو فاهمة .
وإذا استلم الراتب قولي له عطني منه مبلغ أخبيه للضرورة ..
ودايم نبهيه مايشتري غير اللي تحتاجونه .

انصحك تمسكي راتبه وتحطي مصروف البيت بظرف . . والسياره بظرف ومصروف الاطفال بظرف . . ومصروفه بظرف . . والمطبخ بظرف . . 
وبكذا مابيلمس شي الا حق التماشي او مصروفه . . 

اتفقي معاه على ميزانية ما تتعدونها
احتياج البيت
مصروف الجيب طبعا له انت عندك راتب وان كان هو المسئول لانك تقولين ما يقصر معكم
فواتير كهرباء جوالات كل واحد مسئول عن فاتروته وله حد ما يتعداه راتب السائق والخادمة ان وجد
مصاريف الطلعات كالمنتزهات والملاهي والمطاعم والهدايا والبنزين
توفير وادخار
التزمي بنفسك ولا تطالبينه بالصرف عليك والباقي عليه
ونصيحة لا تبخلين على بيتك ولا زوجك ولا عيالك لكن اقتطعي جزء من راتبك واستثمريه لو بيت او شقة بالاقساط
والباقي فليها وسافري واهدي واستمتعي ولا تنسين كفالة يتيم وصدقة عنك وعن والديك وعن المسلمين

يا الغالية
التخطيط والتنظيم أفضل شيء
يعني راتب زوجك نصفه للمشتريات البيت
والباقي يشوف الأمور الثانية
وانتي كمان راتبك النصف لاتمسكيه نهائي
جمعيه وحافظي عليه ولا يطلع الا للضرورة القصوى
وقولي هذا النصف الثاني
اي شيء تبيه لنفسك لأهلك لزوجك اصرفي منه
ودام زوجك ما يقصر لاتقصرى معاه
ولكن
لاتقصري + تحافظي على مالك
يعني شاركي بجزء يسير ولا تكوني مبذرة مثله
ولا تجرحيه دام ماطلبك وحتى لو تكلم وقال راتبي كمل قولي
الشهر الجاي اعملك جدول نمشي عليه وهذا الشهر ابشر انا ما بأقصر معاك
حاولي تجبري بخاطره دامه حساس.
ونصيحه من قلب اخت لأختها
حافظي على ميزانيتك ما نعرف ماذا ينتظرنا بالمستقبل.