انصحوني اقسم بالله تعبت

الله يسعدكم انصحوني وبخوني اعتبروني اختكم
عقلي باقي تكه ويفصل
زوجي له اربع ايام زعلان مني مره مايكلمني مايطالع فيه ماياكل معي وانا اموت فالدقيقه الف مره
كل السالفه بدات الاثنين الظهر دق علي وقالي تبغون شي وهو اصلا معصب من رديت
وكان جاي البيت هو الصباح اخذ فلوس من محفظتي فلوس لي انا ودايما يعطيني خبر قبل ياخذ
قلت له ليه تاخذ فلوس بدون تقولي من محفظتي
وربي بس هالجمله نطقتها ماقلت غيرها
وهو يطير فيني المفروض انتي تعطيني عارفه اني محتاج
ليه من المسوووول عن البيت انا ولاهو باختصار بنات مايخلي معاي ريال كل شي ياخذه احيانا بجمع لي مبلغ مايخلي علي شي صح ظروفه صعبه بس ناس كثير مثل ظروفه ماسوو زيه
تخاصمنا فالجوال زعل وقفل
لماجاء قلت له بيجوني ضيوف جيب لي بن وهيل وتمر كلها مخلصه قال والله ماجيبها واطلعي برا وسكري النور وينافص علي صحيني الساعه ٥ يعني تركني بحوستي خذا فلوسي ورافض يجيب لي لو كان عندي ارسلت اخوي يجيب لي
وصحى المغرب ولاسالني اش سويتي ولا كيف دبرتي
ومن بعد ذاك اليوم مطنشني ومسوي نفسه زعلان
خلاص نفسيتي زفت منه مبوز وجالس ع جواله فالصاله ع كنبه مايغيرها اكتاءب فضيع
دوامه ضغط هالايام وساعات زياده بس دايم يصير عندهم ضغط صح يكون تعبان ومرهق بس مايسوي كذا
وفوق ذا كل ماصحي نافص وين الاكل وش غداكم وش عشاكم اليوم صحي ٩ قال وش العشاء انا بموت جوع وجلس يخاصم وهو باقي ماعرف وش نوعيت العشا
انسان فضيع كرهته من كل قلبي ارسلت له امس اش فيك معصب ع الواتس قال دوامي ضغط وانتي مطنشه
يرجع كل شي فيه
انا حاسه عنده اكتاءب دوامه ضغط وحالته الماديه صعبه وبس جالس فالبيت ع نفس الكنب وع الجوال ولاعنده سالفه فالجوال ولا اشك فيه يلعب فلعبه ولا ع التويتر ولو يبغى شي من البقاله دخان مثلا يرسل اخوه الصغير له اسبوع ماطلع من البيت حتى مسجد ماراح يايصلي فالبيت ولا تاركها
ولا كن عنده زوجه متخيلين انه طول هالاسبوع بعد الزعل مايدق الظهر تبغون شي من البقاله لانه بالعاده يدق

انسان غريب واحس انه بلوه وطحت فيها
امرررررررضني وربي امررررررضني
اروح لجارتي اشيل هم رجعتي للبيت اتمنى انه يكون نايم
ماعد لي نفس حتى انام فغرفتي