انصحوني انا تعبااانه

الأسرة والمجتمع

السلام عليكم ورحمة الله وبركاته
أخواتي ابغى أفضفض لكم وابغى الحكيمات يردون علي
انا حياتي مع زوجي حلوه وماشيه الأمور الحمدلله بس مافيه شي يكمل
زوجي عيبه مايخليني اطلع اتمشى مع اهلي واليوم اهلي راحوا بتمشوا وقالوا الحقينا وقلت لزوجي ورفض والحين ناقشته ف الموضوع وصرخ عليه وقالي اذا مابغى اسمعك تقولي بطلع مع اهلي وذا الشي مفرووض مرره واذا بتعصيني يله مع سلامه وخذي عيالك معك
اخر ماتوقعت يابنات يقولي كذا فين الحب نسى كل شي وقال مع السلامه وعيالنا صاروا عيالي
انا جالسه ابكي وروحي كلها ترجف وهو الحين ماطلع من البيت جالس ف الغرفه الثانيه وحسبي الله ونعم الوكيل افكر اروح لأهلي واخاف اندم انصحووني
33
8K

يلزم عليك تسجيل الدخول أولًا لكتابة تعليق.

تسجيل دخول

ءجمل احساس
ءجمل احساس
معليييش أغلاط كثيير اكتب من الجوال وعيوني دموع ويدي ترجف ردواعلي والله اني أحزن ع مشاكلكم وادعي لكم واحبكم ف الله
راماااا احممممد
لا انصحكك لاتروحي لاهلك والله راح يكبر الموضوع
ءجمل احساس
ءجمل احساس
آه ي ختي تعبت ابغى حالي حال الناس اطلع مع امي وابوي واخواتي وأستأنس تعببببت
مشااتل
مشااتل
اذا كان اول مره يرفض عادي مو لازم تطلعي اهم زوجك اذا هو بيتوتي وبيطفش ويحب تكونين معه اجلسي وقوليله جلست عشانك وتونسي معه وجيبي قهوتك وسولفي معه واضحكيواذا دايم يرفض كلميه بهدوء واعرفي السبب رفضه؟1
fatoomah123
fatoomah123
حبيبتي لا تخربين بيتك عشان سبب مااشوفه يستاهل اهلك الله يخليهم لك روحي لهم ببيتهم واجلسي وتعشي وانبسطي وشوفيهم واشبعي منهم مو شرط تطلعون مع بعض او تمشيه اذا هالشي يزعج زوجك وبالمقابل اكيد هو مابيقصر من ناحيه انه يطلعك ويمشيك فلا تكبرين المسائل وكلمته صحيح غلط بس ممكن انتي ضغطي عليه كثير وكذا مره تفتحي له الموضوع وتنرفز مره وقال لك هالكلمه الله يهديه ويهديك اجلسي ببيتك والله يهدي الأمور بينكم