انصحوني انا في حيره من أمري

السلام عليكم ورحمه الله
اولاً انا ابي احد ينصحني ويدلني على الصواب
عندي سلفتي لها اربع سنين ماجاها اطفال وحملت الحمد لله وولادتها في محرم بإذن الله
هذي السلفه الوحيده عندي وساكنين في منطقه وحده انا وهي لاكن في احياء بعيده عن بعض المهم كنا سمن على عسل وحبايب وكانت تحب عيالي مره وانا للامانه اعزها واحترمها لاني ماشفت منها الا كل خير
انا واهل زوجي علاقتنا رسميه جداً واخواته شبه متقاطعين عنا يعني مانتقابل الا بالزواجات القريبه جدا يعني حتى الاعياد مانتقابل المهم هي علاقتها معهم جدا ممتازه ويجونها وتجيهم دايما هذي السلفه الله يستر عليها لها سنه ونص متغيره تماما عليّ حاولت اتقرب منها ماتعطيني مجال ابدا يعني كذا مره اعزمها تقولي مشغوله مره قلت لها بجيك قالت طالعه سويت فطور في رمضان وعزمناهم وكان في ناس واجد المهم ما اعتذرت ولا شي جاء زوجها وهي ماجات سالناه قال مشغوله مالها خاطر وقلت اراسلها واسالها وش سالفتها عسى ماشر ماردت على الرساله رغم انها شافتها زوجي شوي حشري ومامسك نفسه وسأل اخوه وش بلاها مرتك متغيره ((للامانه ماكنت ابي زوجي يساله بس هو حب يتلقف وهذا طبع فيه ماهو حلو للامانه وانا ماقلت له ولا شي )) قال شوف انا وانت اخوان الله لايفرقنا والحريم اتركهم بشانهم ولالنا شغل فيهم زوجي قاله ليه وش السالفه قال مرتي جاها كلام عن مرتك وانها تضحك عليها في المجالس وكلام كثير وحلفت مرتي انها تقطع العلاقه قال زوجي من قال هالكلام قال الاخ مستحيل اعلمك لانهم قرايب اللي وصل هالكلام وانا ما اهتم ابدا لسواليفهم بالطقاق ..
زوجي قالي السالفه قلت براحتها تصدق اللي تبي وبكيفها انا طنشت صح اني اخذت في خاطري بس قلت خلاص بحريقه كلهم الله لايحدني عليها ومرت فتره طويله على هالسالفه والى الان ماتقابلنا يمكن لنا سنه واكثر شوي يوم سمعت انها حملت فرحت من قلبي رغم اني عرفت وهي بالسابع تقريبا
المهم احس ودي ازورها اذا ولدت واجيب لها اكل اعرف النفاس تعب ومرض وهد حيل واجيب معي ورد وكذا قلت ازورها بالمستشفى خاطري اشوفها وترجع حياتنا مثل اول لاكن اخاف تصدني او ماتتقبل مني شي فأبيكم تقولون لي هل ازورها ولا لا لاني والله متردده مررررره ومعليش طولت عليكم ،،،،