انصحوني انا محتاجه لكم كثير

كيفكم يااخواتي صراحه مالي غيركم بعد الله محتاجه لكم كثير وابي لو كلمه تطيب خاطري او حل لاني للأسف بديت افقد الامل

غالبكم يدري انه ربي مارزقني الذريه بسبب زوجي وهو ماقصر صار لنا سنين من دكتور الي دكتور وأخيرا انحلت المشكله وسوا عمليه عند دكتور مشهور بالبحرين وفي تحسن بس لابد من المراجعه والمتابعه والادويه زوجي صاير كسول ومطنش أقول له حلل يقول بعدين أقول له نروح للدكتور يقول بعدين مع ااننا مايمر شهر شهرين الا نروح البحرين تمشيه يعني علي طريقنا وش خسران ولكن لا حياه لمن تنادي مره يتعذر مشغول مع ذالك عادي نطلع ونتمشي ونروح ونجي ومره يقول مافي فلوس مع انه التحليل ب100 ريال وبعض الأحيان أقول له مو مشكله انا عندي ولكن لا حياه لمن تنادي وبنفس الوقت اشوفه زعلان انه ماعنده أطفال ويتحسر طيب يااخي تحرك سوي شي حلل راجع دكتور ولا حياه لمن تنادي مايمر أسبوع الا خناقه انا حاليا عمري 32 سنه وهو قفل ال41 يعني الي متي وش نستني حرام ننتظر والحل بيدنا مشينا مسافه طوووويله ودفعنا كثير وفي تحسن ومابقي شي وهو يتلكع وياخر الموضوع وش اسوي انصحوني

هل ادخل اهلي بالموضوع يكلموة مع انه يكره تدخل أي طرف سواء من اهلي او اهله بحياتنا بس انا فقدت صبري وش اسوي بعض الأحيان افكر بالطلاق بس ارجع أقول حرام انتظرنا كثير ومابقي الا القليل والرجال محترم معاي حرام اتركه بس هو أسلوبه كرهني بالعيشه معاه انصحوني قربت اجن

وادعو لي بالذريه الصالحه الي تملي علي حياتي تعبت من الوحده