انصحوني انا مهب راضية عن عبادتي

السلام عليكم بنات تكفون انصحوني هزئوني اي شي بس انا في قلق وضايق صدري انا ادري ان كل شي بيدي بس عطوني حلول نصايح

وماكتبت هنا الا لمعرفتي انكم تحبون الخير

من ناحية الدين انا مهب راضية ابد صلاة الفجر اصليها اذا راحو عيالي للمدارس يعني الساعة 6 ونص وليش انا كذا اوقت الساعة بس ما اقوم رغم اني احس فيها اسكرها وارجع انام ساعات اتضايق من نفسي بس با الاخير ما اصليها الا راحو عيالي للمدارس وساعات لازم اتروش ورغم هذا ما اتروش واسبح الا اذا فضيت

اما باقي الصلوات اصليها بوقتها اما الضهر متا ماقمت لاني سامعة ان وقت الضهر مفتوح صححو معلومتي اذا غلط

السنن مااتسنن ابد حدي الصلاة عسى الله يتقبل
انام متاخرة بس مااوتر رغم اني اذكر واتضايق ودي اقوم بس با الاخر مااقوم اصليها واتحسف اذا ماصليتها بعد


ما اقوم زوجي وعيالي للصلاة ابد ولا احاول بعد فيني الصيحة والله ودي يصير بيتي يعمة الايمان اذا جا وقت الصلاة الكل يصلي وانا انادي يافلان صل ابد اقوم اصلي وبس وعيالي وبنتي ساعات اذا شافوني اصلي صلو والله ان عيالي فيهم بذرة خير وانا دايم ادعي واقول ربي اجعلني مقيم الصلاة ومن ذريتي ........
بعد كل صلاة وافرح اذا شفتهم صلو ولدي صار لة وقت يصلي الفجر وهو برابع ابتدائي من دون ما اقول واشجعة انا
وبنتي باول نفس الشي بس مايداومون انا ادري انا السبب لو حريصة وهم كذا كان صار شي

بنتي هذي تحب القران بشكل يفرح وتحب تسمع الادعية المؤثرة وامس جتني قالت ابقول لك قسورة البقرة والله قالت الايتين الاولات ياحبي لها بس والله شجعتها وبستها من قلبي وانا فيني العبرة ادري تميل لهاشي بس ما ساعدتها ابد واللحين احاول انها تحفظ الباقي وباذن اللي عينة ماتنام تحفظ باقي السورة


ارجع لي انا دايم افكر اقول الدين سهل وش يبي منا اببدا اصلي الفجر بوقتها وابعاهد الله اني اصلي الفجر بوقتها عشان اغصب نفسي والباقي ايضا والسنن ما اخليها والضحى والوتر والاذكار بعد كل صلاة وذكر الصباح والمساء بس وابخلي الغيبة وانا اصلا اتضايق غصب عني اذا احد اغتاب غصب اتضايق واحاول ما اسب معهم
بس الشغالات عجزت اخليهم لانهم يقهرون


وش تشوفون في حالي