انصحوني او واسوني بكلام يطيب القلب 💔

كيفكم ياحوائيات ان شاء الله دائما الجميع بي الف خير . حابه ادخل في موضوعي على طول والي تعرف مواضيعي الي قبل وعارفه قصتي خير وبركه بنات انا عمري داخله ال 35 واحس خلاص استغفر الله حياتي على النهايه احس كبرت وشبابي راح من غير لا استمتع فيه متى اجيب عيال متى اعيش بسعاده وحب واستقل وارتاح واتوظف حتى وانا جامعيه لاكن مافي فرص وظيفيه واقدر اعتد في نفسي وتكون انسانه مستقله بذاتي غنيه عن الكل . صار لي مطلقه من ابو بنتي طلقه ثانيه من 7 سنوات كنت مقتنعه في الطلاق منه في البدايه طول السبع سنوات كان يحاول اني ارجع ويكلم ابوي في الموضوع ولاكن كنت ارفض لانه اتزوج وجاب عيال السنتين الاخيره بدات الين وفتحت له المجال واتكلم معي واتفقنا على الرجوع ولاكنه يوعد ويخلف ويماطل بنتي دائما يخليها توصلي كلام انه برجع امك وكذا الفتره الاخيره كل ما تروح معاه بنتي يقولها انا ترا بخطب امك ولاكني انشغلت وسافرت لاكني بجي واطلبها وهو عارف نيتي اني ابي ارجع له ولاكن تمر الاشهر والاسابيع وهو بس كلام ويسال بنتي امك مااتكلمت معاك في موضوع الرجوع يعني قصده ماسالتك ابوك ما جاء وخطبني واتاخر ليش قالت بنتي لا ماما ماقالت شي قال ترا بجي بعد كم يوم واخطبها لاني انشغلت وكنت مسافر تمر الايام والاسابيع وهو ولا سوا في الموضوع شي يعلقني ويعلق بنتي ومدري وش الهدف مع انه متزوج وعنده عيال هل في رايكم ابادر واتكلم معاه ولا احفظ كرامتي واصكت بنات ابغا بيت وابغا عيال وابغا استقل واعزم في بيتي واسوي حريتي لازم لي بيت انا وبنتي نرتاح فيه مهما كان الاستقلال حلوو ودرب الخطابات اني اتزوج غيره مشيت فيه مافي فايده مايحبون لي احد الا بعد طلوع الروح احيانا احس اني مسحوره وحظي واقف تعبت ابغا اعيش براحه وسعاده مع انسان يجمل ويحلي حياتي ويخلي لها طعم ولون كل يوم زي الي قبله ملل وطفش وروتين الى ان بدات نفسيتي تتعب . انصحوني او واسوني بكلام يطيب القلب.