انصحوني ايش الحل مع ها الرجال

صباح الخير اخواتي

ابغى اطرح مشكلتي عليكم علكم تلقولي حل
اولا ايش رايكم بالزوج المتسلط اللي يبغى كلمته تمشي وانتي مالك اي راي باي شي
ثانيا الزوج اللي مايفكر بزوجته ابد يعني ميجيب هدايا عشان متتعود ميخرجها ويمشيها ولايعزمها الا بعد الحاح وطلوع الروح وتكون مرة كل سنة او مرة كل 4 سنوات

خلاصة الكلام انا زوجي من ها النوع احس انه مايفكر فيني عمره مسوالي مفجاة حتى الهدايا ملغية في قاموس حياته كل مشافني نفسي شي يتعمد يقول لا عشان يكسري نفسي

حتى لو الشي هذا مابه شي

تفكيره منحصر انه الوحدة لامن تزوجت وجابت عيال خلاص مالها دور بالحياة الا اولادها
وانا ضده واقول الكلام هذا مو صحيح انا من حقي اني اعيش سني ويكون لي طموحات واحلام

بنت خالتي ماخذه اخوه يعني انا وهي سلايف يناس لو تشفون الفرق بينهم متصدقون اخوان اشقاء مشاء الله هذاك كل يوم ماخذ زوجته بالمطعم الفلاني ماتمر مناسبة الا ويجيبلها هدايا كلها متزوجة 6 سنوات فرشلها بيتها فرش عروسة يعني من اول وجديد ومشاء كان بيهم من احسن مايكون واللحين احسن واحسن الله يهنيهم

وانا لي 7 سنوات متزوجه وبيتي الله وكيلكم ماقدر اشتري فيه شي ولو بالضالين هتقلولي يمكن ظروفه المادية اقولكم ظروفنا احسن من ظروف اخوه

كل اللي شاغل بالله كيف يخصم علي جمع علي ديون الدنيا والاخرة فكرت كثير اني اسيبه لكن مايردني غير الاولاد

انصحوني ايش اسوي حاولت ارسله رسايل بالجوال والله ولاهو هنا واذا كتبتله رساله يتريق ويضحك علي