افتحي حساب ثاني
وادخلي جمعيات بقدر ماتقدرين
ولمن يجيك دورك حطيها فيه
واذا نزل راتبك وباقي من الراتب اللي قبله مبلغ حوليه للحساب الثاني
وطبعا ممنوووووع انك تسحبين منه ريال الااا لاسمح الله للشديد القوي


نفسسي اسوي هالفكره وادخر تعبي فيه
واشتري عقار ينفعني بكره


لكن زوجي ظرووفه زفت
ومضطررره ادفع رسوم عيالي في الحضانه والروضه بالاضافه للسواق ومصروفي
والتزامات اخرى
على امل ان يتعدل وضعه واتهنى بتعبي

اول شيء مبروك الوظيفة ماشاء الله تبارك الرحمن
الله يوفقك ويسهل لك شغلك
ثانيا افتحي حساب ثاني وسوي تحويل شهري عليه من حساب راتبك حوالي نص الراتب وانتبهي تسحبين منه..
بالنسبة للقرض العقاري كذا كذا لازم تستنين علشان يتجمع معك مبلغ الدفعة الاولى
لا تستعجلين خل اول تجمعين لك كم قرش..

بالنسبة لباقي الراتب اللي تسحبينه عاد انتي وقدراتك
في ناس تنفع معهم طريقة الاظرف وفي ناس عادي يكتبون الميزانية بورقة ويلتزمون
وفي طريقة ثانية مثلا طلعي مبلغ هذا حق تشترين لنفسك او السوق ملابس مثلا او اي شيء بنفسك وتطلعين راتب السواق حقك وفاتورة الجوال والمتبقي قسميه اربع كل اسبوع بالشهر ما تصرفين الا المبلغ المخصص لهذا الاسبوع
انا اسميه نثريات خخخخ مثلا بقالة او كوفي
بس انتبهي كل اسبوع ما تتعدين المبلغ المخصص له

وفي طرق ثانية للميزانية لكن هذه ممكن تساعدك بالبداية
باذكر لك طريقة بنات ثانيات اول ما ينزل الراتب تعطي السواق حقه والاساسيات مثلا جوال او اي شيء ( واذا مستلفة من احد ضروري تردين الدين)
ثم تتقضى وتشتري اللي تبي لين خلصت تنتظر راتب الشهر الجاي ولين سالتيها قالت كل شيء موجود سواء من لبس او اكل فما تضطر تصرف باقي الشهر ...
طبعا كل هذا الكلام يا اختي الفاضلة بعد ما تكونين شلتي مبلغ التجميع بالحساب الجديد بالبنك.

واخيرا اوصيك اوصيييك الصدقة كل ما نزل راتبك تصدقي لو بعشرة ريال منه
مهما كان المبلغ بسيط بس يطرح البركة ويدفع السوء و اجره عند الله افضل من الكثير المنقطع