انصحوني بس امانه لا تجرحوني

السلام عليكم


مو عارفه من فين ابداء و نفسيتي زي الزفت
المهم انو قبل سنتين تزوجت واحد وراني نجوم الظهر سب و شتم و عدم احترام خلاني اكره نفسي و حياتي
و كان راعي حريم و المصيبه لما اكتشفت انو كان على علاقه بصديقتي .. بس الحمد لله ما جبت منه اولاد
بعد عذاب استمر سنه تطلقت منه

و قبل 6 شهور تقدملي واحد جدا راقي و طيب و حنون بس المشكله انو متزوج
كنت متردده و خايفه بس صديقتي اقنعتني و قالت ما فيها شي خصوصا انك مطلقه
و بفترة الخطوبه كلمته و سئلته عن رأيي عايلته قال انا رجال قراري بأيدي و محد
له دخل بأي شي اسويه و قال انو ما راح يقول لزوجته و اولاده الا بعد ما تخص الدراسه

و وافقت و قبل شهر بالضبط تزوجت منه ... و خلال الثلاث اسابيع هذه ما كان ينام عندي
و لا حتى يجلس اذا لقى فرصه يجي يجلس عندي 10 دقايق او ساعه بالكثير
قبل اسبوع زوجته عرفت انو تزوج و الحين عياله يزنو على راسه انو يطلقني

اللي قاهرني انو قبل شوي كان عندي و يقول انا خايف مستقبل عيالي يضيع لأنهم ما يذاكرون
سألته يعني راح تطلقني عشان عيالك يذاكرو و يشوفو دروسهم .؟؟؟

سكت و ما رد عليا

انا الحين راح اموت من القهر حياتي خلاص انتهت
يعني راح اتطلق للمره الثانيه و من غير سبب

انصحوني و قولولي ايش اسوي