انصحوني بما ينبغي لعمل الرجيم إن شاء الله ...

وعليكم السلام ورحمة الله وبركاته

عشان تحافظين على بشرتك وشعرك وبنفس الوقت يصير عندك حيويه ونشاط

ابدأي يومك بالمشروب الاخضر او سموثي خضار وقليل فواكه والنت مليان وصفات تقدرين تستفيدين منها

او ببساطه انتي اعملي العصير او السموثي حسب ذوقك والمكونات المتوفره عندك



المشروب الاخضر :

اختاري 2 أو 3 أنواع من الورقيات الخضراء بحجم قبضة اليد من كل نوع سواء سبانخ بقدونس كرافس جرجير كزبره + خياره + عصير ليمونه + ممكن تضيفين نص تفاحه خضراء او جزر او كوسا ني او بروكولي وغيرها

وحطي اول شي الورقيات الخضراء وعصير الليمون بمحضرة الطعام او عصارة الكاس او عصارة الفواكه وممكن تضيفين ربع او نص كوب ماء بارد عشان يسهل العصر ثم حطي باقي المكونات واعصريها

واشربيه الصباح على معده خاليه عشان الجسم يكون جاهز يستقبل ويمتص المغذيات والفيتامينات والمعادن اللي فيه بسرعه او اذا يضايق معدتك اشربيه بعد ماتفطرين شي خفيف لكن لا تشربين قهوه ولا تاكلين شوكلاته او اي حاجه فيها كافيين لا قبله ولا بعده بساعه ونص الى ساعتين عشان ما يعيق الامتصاص عشان كذا ينصح بشربه الصباح .



السموثي حسب المتوفر عندك مثلاً

نص كوب اما أناناس أو مانجو أو كيوي أو افوكادو أو تختارين نوعين منها

مع عصير نص ليمونه أو برتقاله أو قريبفروت أو تختارين نوعين منها

ممكن تضيفين ملعقتين زبادي قليل او خالي الدسم او ربع كوب حليب قليل او خالي الدسم او تستغنين عنه حسب وصفتك وذوقك

واضربيهم بمحضرة الطعام واذا حبيتي ترفعين قيمته الغذائيه اضيفي له اوراق سبانخ بس اعصريها اول شي بالخلاط عشان تصير ناعمه ويسهل خفقها ثم اضيفي باقي المكونات

السموثي لان بيكون فيه ألياف الفواكه وقوامه ثخين ممكن تاكلينه كوجبه إفطار مغذيه

وممكن هذي المشروبات تشربينها كل يومين مو شرط كل يوم



وبخصوص الرجيم مع كل وجبه لازم تاكلين طبق سلطه خضراء لانها مليانه ألياف تحسسك بالشبع وسعراتها الحراريه قليله يعني لو تاكلين طبق كبير منها ماراح تسمنين

كذلك الخضار الغير نشويه ممتازه للرجيم لان سسعراتها الحراريه قليله وبنفس الوقت تحسسك بالشبع لانها مليانه ألياف تساعدك انك تاكلين نشويات أقل

اهم شي بالريجيم الارادة الارادة ثم الارادة
وبعدها اكلك والحركة
واهم شي نسيت بعد كثري ماااي
حيييل نزل وزني لما كثرت ماي وانا مسويه رجيم برمضان هذا

...


جزاكن الله كل خير


جاري التنفيذ إن شاء الله


: