انصحوني بموت قهر

اخوي من تزوج ذي العله حياته تغيرت ميه وثمنين درجه اول شي ماكمل سنه في وظيفه فصل وهي وظيفه حكوميه وبعدين صار بس يمشي ويشحد مثل طبعها فضحنا في الناس قسم بالله يطلب فلوس منا كلنا عشان يطّلع يعشيها في مطعم فخم وهي ماعرفت العز الا مع اخوي ودايم تقول له احمد ربك اني صابره عليك وهي اهلها من تروح زياره قسم بالله حدها ثلاث ايام عشان لا لايصرف ابوها اكل وشرب لهم بخيييييل وامها العن من ابوها وهم الله منعم عليه فلوسه ب الملايين. وليته قد مد حتي خمسين ريال عليها لا مايعطيها ريال وهو عارف احوال زوجها بمعني الكلامها لو يرميها اخوي علي اهلها بيرجعونها له في نفس الساعه بس لا معطيها. اكبر من حجمها
ابوي يعطيه فلوس كل يوم لعشاء لااهلي وله تحسبونه يجيب لهم الا يبون لا يجيب لهم اكل ما يكلف ٢٠ريال والباقي كله لها وهي حتي الدجاج ماتعرفه عند امها مايكلون الا رز وطماطم بس ذبلت كبودنا محرشه اخوي تبي تطيح عندنا مثل البهيمه تاكل وتشرب ونمسك عيالها. يحبنا كذا ويحب امي بس من نصير معها رسمي يكرهنا حتي ان جاء حريم عند امي ولا بنات عند اختي حتي الصغيره ما ندينها لقهوه ينتفخ ويهوش امي ليش ماقلتوا لحرمتي ويزعل اسبوع شهر منتفخ حتي احنا المتزوجات ان جينا عند اهلي يسووي مثل اسلوب امها. روحوا بيتكم احنا مو مكلفين فيكم مسكين اشغلته بسولف الحريم ايش خلاني اعطيكم ذي المقدمة


امي من يجي يقول وش تبون عشاء ينافخ عليها ويتافف يتكلم معها بسلوب القرفان
امي مرا مرا مرا طيبه تخاف منه وتخاف من المشاكل لدرجه من تكلمه ترجف معطيته اكبر من حجمه الله لايوفقه
جاها قبل فتره قال وش تبون عشاء طلبت امي اكله معينه تحبها قال طيب من وصل لباب الشقه تجي بنته الصغيره عمرها سبع سنوات ذي تربيه امها نجسه قالت والله ي بابا ماتجيب لهم ذَا الاكل جيب لهم نوشف. ويحمدون ربهم (((طيب الفلوس من جدك ي بهيمه لنا ولكم ترعون منها))) طبعا الفلوس مسكين ابوي يعطيه كل يوم ١٥٠ ورب النعمه يجيب لهم نواشف ماتكلفه عشرين ريال زبادي ب ريال خبز ب ريال او تميس بريالين وفول او تونه بس تخيلو بيت مليان عياله كذا عشاهم المهم سمع كلام بنته جاء قال ل امي لا بجيب لكم نواشف خلاص عشان العله بنت زعلت وبفعل جاب لهم نواشف خواتي المتزوجات كلهم كانوا عند امي ايش جاب ٢مطبق مالح بس
واخذ حرمته وعياله راح يمشيهم ويعشيهم انا ماكنت عندهم يعلموني خواتي
علي باله بيتحكم فينا وبعد عمر طويل ل ابوي يهدد يقول مصيركم تجون تحت رجولي وربيكم عشان حرمته ماعزمنها ل القهوه مسكين
ابوي الله يخليه لنا لو صار شي له بعد عمر طويل يخسي يتوكل علينا


سوْال. يقدرون يوكلون حرمه علينا
لان للاسف بس يهددنا
جاب حاله نفسيه ل خواتي الصغار لدرجه اذا بنته غايبه مستحيل يودي خواتي لمدرسه


بردو كبدي نار في قلبي
اشياء كثيره ماذكرتها
لانها تفشل
ونص كلامي عارفه اخطاء بس اكتب وانا ابكي وارجف حسبي الله عليها. هي سبب كل بلا
لاحد يجي طاير ويقول زوجه الاخ دايم مظلومه بعد انا زوجه وعارفه ان اهله خط احمر مو عشان هو يقول احتومي اهلي لا والله لاني عارفه كما تدين تدان


وزوجه اخوي ذي حرمه عمرها وصل ل الاربعين من تجلس معنا امي اشترت ابوي جاب. علومها مثل بنات المتوسط من يتفشخرون


وفوق ذَا كلو تدق علي ابوي كل فتره وفتره عطني فلوس غير بيتي
واشياء من جد بنت الناس المحترمه ماتسويها