انصحوني بنات

السلام عليكم
بنات ابي نصيحه اعتبروني اخت لكم زوجي بيزورني اليوم وابي اعرف وش اقوله
اول شي انا متزوجه من سنه ونص وحامل الشهر الرابع صارت مشاكل بيني وبين زوجي كنت مره مهتمه فيه ومدلعته واقدره بس هو ماكان يقدر اي شي اسويه لين مره رفعت صوتي وضربني وطلعت من البيت وطلبت الطلاق حاولنا كم مره نتراضى بس هو فيه طبع واسلوب مره يخربها بكل مره نجي نتراضى اخر مره طلب يشوفني وتراضينا وتنازلت انا عن اشياء بس ابي اكمل حملي وانا مع زوجي قال انا بسافر انتداب اسبوع اخلص واجي اخذك قلت اوكي تعبت بهالاسبوع وكنت حامل بثنين واحد متوفي وشالوه وكل شوي ادق اقول تعال وينك لازم توقف معي ولازم تجي تنقلني لاني محتاجه منظار والي منومه فيه مافيه جاء فتحلي ملف بمستشفى ثاني ولاجاني تكلمت عليه وهو عصب ولافكر يزورني ومره شهر انتظره يسال ماسال بعدها دق مارديت وكرهته لانه ماوقف معي دق ع ابوي وجاب اغراضي بعد اسبوعين ارسلي انه يبي يشوفني ضروري وكنت مارد محروق قلبي منه لين جاء يوم ورديت وطلب اني اسمعه شفته وقالي انا غلطت وتزوجت انا مو قادر انساك ولا اتقبلها ودايم انام بالاستراحه واتعذر اني مع اخوياي تو عرفت قدرت تو عرفت احبك هو كسرني بتركته لي بالمستشفى ويوم اوسل اغراضي والحين زواجه بس انا احبه كثير ولقيت نفسي اني مسامحته وقال بطلقها بس ترجعين لين واي شي تبينه بسويه هو ظروفه صعبه ساكنين مع اهله بجناح وهو تزوج وسكنها ببيتي ويبي يرجعني بس انا رافضه ارجع قبل مايطلق وهو يقول تو ماصار لها اسبوعين لما تولدين بطلقها وبحطلك شقه لين اطلق بس انا عارفه ظروفه مايقدر ودق وقالي فعلا ماقدر بستاجرلك شقه او فندق لين اطلق انا خايفه تدعي علي وعلى الي ببطني ومن جهه ماتحمل انها تكون جنبه وبنفس الوقت احس كرامتي ماتخليني ارضى بالي يقوله بس انا احبه وابي اكمل معه وهو بيشوفني اليوم عشان نتفق وماعندي شي اقوله لها